Disa qytetarë protestuan mëngjesin e kësaj të shtune në Kukës për shkak të mungesës së sigurisë rrugore dhe numrin e lartë të aksidenteve. Për disa minuta bllokuan rrugën hyrëse të qytetit.
Shkak për protestën u bë aksidenti i së premtes ku një 51-vjeçar humbi jetën pasi u godit nga një automjet në rrugën hyrëse të qytetit që lidh Kukësin me Rrugën e Kombit. Kjo është zonë me fluks të lartë të lëvizjes së automjeteve dhe në dy anët e saj ndodhen dhjetëra biznese.
“Të zbatohet rregullorja për shoferë dhe këmbësorët. Kjo është rrugë që ka shumë lëvizje. Të bëhet me çdo kusht sinjalistika e re. Të vendosen kufizuesit e shpejtësisë. Janë ndër masat që duhet patjetër për të lajmëruar drejtuesit e makinave që duhet të ulin shpejtësinë për të mbrojtur kalimtarët”, tha një protestues.
Ndërsa një tjetër shprehet se ka frikë të çojë fëmijët në shkollë sepse nuk ka trotuar.
"Rruga është e ngushtë, s’ka trotuare, ndriçim as sinjalistikë. Makinat ecin me shpejtësi”.
Protesta do të përshkallëzohet të shtunën e ardhshme nëse nuk merren masa për shmangien e aksidenteve fatale. Kërkesat adresohen për Policinë Rrugore, Bashkinë e Kukësit dhe Prefekturën.
“Janë investuar 1.5 milionë euro por rruga është lënë në mes sepse skanë bërë trotuare, ndriçim, kanalizime! Kemi frikë për fëmijët tanë! Policia Rrugore nuk rri këtu, rri atje te Gryka e Vanave. Kush e ka nis rrugën me vlerë 1.5 milionë euro dhe nuk e ka përfunduar, duhet të ndiqet penalisht”, tha një protestues.
Të premten e 21 Marsit, 51-vjeçari Sadik Murati, teksa lëvizte me çiklomotor për të shkuar në punë, u përplas për vdekje nga një 20-vjeçar që drejtonte makinen me shpejtësi. I riu është vënë në pranga.
Burime për ‘Report TV’ bëjnë të ditur se segmenti i parë i Unazës Veriore të qytetit të Kukësit apo siç njihet ndryshe ‘zona e tregut’ me gjatësi rreth 1.2 km, për të cilin protestuesit shprehen se u shpenzuan 1.5 milone euro, në fakt ka kushtuar 97 milionë lekë. Investimi u krye nga Fondi i Zhvillimit te Rajoneve në vitin 2017 dhe ndërhyrja përfshiu asfaltim, ndriçim dhe trotuare.
Ndërsa segmenti i dytë i Unazës Veriore, pra nyja lidhëse e qytetit me Rrugën e Kombit, ku u shënua aksidenti i djeshëm nuk është rehabilituar plotësisht. Punimet për këtë segment me gjatësi 2 kilometra u ndërprenë në 2018 edhe pse bashkia kishte premtuar se do të bëhet në bazë të kontrates Bashki-FZHR.
Komente
Lajme të tjera
-
Aksident tragjik në aksin Berat-Dimal, humb jetën 33-vjeçari (VIDEO)
23 Mars, 08:56 -
Protestë kundër tenderit për plazhet në Malin e Zi, mes qytetarëve edhe ish-kryeministri Abazoviç: Ulqini nuk është në shitje!
22 Mars, 18:29 -
I dërgonte mesazhe denigruese dhe kërcënuese një gruaje, arrestohet 39-vjeçari në Kukës! I theu edhe xhamin e makinës
22 Mars, 13:49 -
Unaza Veriore e Kukësit, një investim i papërfunduar! Punimet u ndërprenë para 7 vitesh
22 Mars, 13:42 -
Beteja për ujin, banorët e Tragjasit sërish në protestë! Gati padia për dy bashki dhe institucionin në varësi të Ballukut!
22 Mars, 12:38
-
Aksidenti tragjik me 4 të vdekur në Fushë-Prezë, shoferi i betonieries lihet në burg: Tentova të hapja derën e makinës, por shpërtheu në flakë
22 Mars, 12:23
-
Çudira në Durrës/ Mbikalimi brenda oborrit të shkollës por jashtë funksionit! Banorët në protestë bashkë me kandidaten e PD-së
21 Mars, 16:13
-
Presidenti Vuçiç: Serbia është lodhur nga ata që e terrorizojnë dhe duhet të përgjigjet
21 Mars, 15:30 -
Dinamika e aksidentit tragjik ku vdiqën 4 të rinjtë në Fushë-Prezë! Po lëviznin me shpejtësi deri në 200 km/h! Shoferi i betonieres: M’u mbarua nafta, harrova bllokazhin
21 Mars, 10:31
-
Automjeti përplas çiklomotorin në Kukës, ndërron jetë në spital 51-vjeçari! Vihet në pranga drejtuesi 20-vjeçar (VIDEO)
21 Mars, 08:47 -
VKM e qeverisë/ Central fotovoltaik në territorin e aeroportit të Kukësit, e ndërton i njëjti koncesionar
20 Mars, 21:17 -
Demush Shasha: Studentët në udhëkryqin e Gjingjiqit
20 Mars, 16:18
MALOKU NUK BEHET KURRE NJERI,,,BEJI CFARE TE DUASH,,,,RRUGE E TROTUARE...
PërgjigjuO illi me xixa, elektricitetin e do nga Drini? Kromin e do nga minierat e Kuksit? Ndertoje rrugen siç duhet o illi i mamit te bukur.
Protestoni, djemte dhe te afermit tuaj "protestojne fuqishem", me shpejte si 200km/ore, vrasin njerezve ne rruge se nuk ka tabella sigurie
Përgjigju