Aksidenti tragjik, del nga koma
nëna e një prej 4 të rinjve të vdeku

SHKODER-  Tragjedia pllakos familjen Duli. Zemra e nënës nuk ka mundur të durojë lajmin e humbjes së djalit të saj Raelv, (ne foto) në aksidentin tragjik që i mori jetën dhe tre të rinjve të tjerë.

Gazetari ynë Elvis Nabolli informon se nëna e 18 vjeçarit, Elvie Duli, ka dalë nga gjendja e rëndë ku kishte rënë pasi ishte shtruar në reanimacionin e spitalit të Shkodrës sepse kishte pësuar infarkt. Mësohet se gjendja e saj shëndetësore e saj, aktualisht është e rëndë por ka dalë nga koma.

Tre vite më parë  Raelvi kishte humbur babain e tij. Familja Duli përbëhej nga 4 pjesëtarë. Anisa, është vajza e vogël e shtëpisë. 

Viktimat e aksidentit janë Raelv Duli, Xheni Anamali, Ledio Pirani, Orlen Meçe (17-19 vjeç).Në gjëndje të rëndë mbetet shoku i tyre, Osman Merja 18 vjeç i cili drejtonte makinën kur kjo u përplas me kamionin e druve.

Drejtuesi i kamionit , Preng Ndreca 43 vjec është arrestuar ngas policia e Shkodrës, i akuzuar si shkaktar i aksidentit tragjik.

LEXO ME SHUME
Aksidenti tragjik që i mori jetën 4 adoleshentëve
Shkodra në zi për vdekjen në aksident të 4 adoleshentëve

Redaksia online
(sg/shqiptarja.com)