VELIPOJE-Babai dhe dy fëmijët që humbën jetën në aksidentin tragjik ditën e diel në mbrëmje dje u përcollën për në banesën e fundit, ndërsa në spital janë gruaja dhe vajza e familjes Preka. E ndërsa nëna Evisa është jashtë rrezikut për jetën, Noemi 10-vjeçe ndodhet në gjendje shumë të rëndë, mjekët japin pak shpresa.

Valentina Preka, halla e vajzës 10-vjeçe që po lufton me vdekjen në spital prej 3 ditësh, shprehet se mbesa ndodhet në gjendje shumë të rëndë dhe lutet që të bëhet mrekullia. “Kjo është Noemi vajza e vetme që mbeti nga vëllai. Veç me një puls jeton zemra e saj. Ju lutemm ju përgjërohem lutuni për të që të bëhet një mrekulli. Të ma lerë Zoti këtë vajzë si dhuratë prej vllait. Lutuni për Noemin”, shkruan Valentina Preka në rrjetet sociale.

 

Viktimat nga aksidenti
Edmond Preka-babai
Rajan Preka 9 muajsh-djali
Ajsel Preka 5-vjeçe-vajza

Të plagosur
Evisa Preka 36 vjeçe- gruaja
Noem Preka 10 vjeçe-vajza

Të plagosurit që ishin te makina tjetër
Sokol Mujaj 49-vjeç
Ndrek Gjergji 50-vjeç

Shënim/ Halla e vajzës, Valentina Preka që ndodhet në gjendje të rëndë në spital ka postuar mesazhin bashkë me një një foto të 10-vjeçares në spital në gjendje të rëndë, por Shqiptarja.com për arsye etike nuk e boton. Për fat të keq disa media e kanë botuar.  

d.b/shqiptarja.com