Njëra nga makinat e eskortës së kryeministrit Edi Rama është aksidentuar mesditën e sotme në aksin Gosë-Rrogozhinë. Makina e fundit e eskortës është përplasur me një kamion, por fatmirësisht nga aksidenti nuk raportohet për të lënduar.

 

Eskorta po shoqëronte kryeministrin Rama, i cili ditën e sotme ka disa takime në Berat dhe në Rrogozhinë. Fotot e aksidentit janë shpërndarë në rrjete sociale nga ish-kryeministri Sali Berisha.