Aksioni i INUK, 'dorëzohet' nëna
kërcënoi me therjen e fëmijëve

POGRADEC -  Pas rreth 1 orë kërcënim me therjen e dy fëmijëve të saj të mitur, Dita Basholli, është bindur dhe ka lënë kërcënimet duke dalë nga banesa ku qëndronte e mbyllur në shenjë proteste të INUK për prishjen e banesës ku ajo jetonte. 

Gruaja, nënë e dy fëmijëve u ngujua në një prej dhomave të ndërtimit 1 katësh dhe me thikë në dorë, kërcënoi se do të vrasë dy fëmijët e saj nëse INUK nis prishjen e banesës, e cilësuar si objekt pa leje nga ana e inspektorëve të INUK.

Pas një orë negociata, Basholli është bindur nga ana e inspektorëve, duke lënë kështu kërcënimin me thikë dhe duke dalë nga banesa. 

Televizioni A1 Report ka siguruar edhe fotot e godinës 1 katëshe ku qëndroi e mbyllur nëna së bashku me dy fëmijët, godinë e cila është banesë dhe lokal.


(Në foto: Godina 1 katëshe ku qëndron e mbyllur nëna me dy fëmijët)

Ndërkohë bashkëshorti i saj, Erjon Basholli i pyetur nga A1 Report u shpreh se familja e tij tashmë prej 3 vitesh jeton në këtë banesë, ndërsa nuk ka komentuar lidhur me pretendimin e INUK për ndërtimin e kësaj godine pa leje.

Ditën e sotme Inspektoriati Ndërtimor Urbanistik Kombëtar ka ndërmarrë një aksion në segmentin Lin-Pogradec, për prishjen e mbi 20 objekteve pa leje.


(Në foto: Godina 1 katëshe ku qëndron e mbyllur nëna me dy fëmijët)

Redaksia Online
(e.c/shqiptarja.com)