Aksioni i policisë në kampin e MEK në Manzë, Meta: Mungesë transparencë e profesionalizmi! Dhuna e papranueshme

Kreu i Partisë së Lirisë Ilir Meta ka reaguar për situatën e tensionuar kampin e muxhahedinëve në Manzë.

“Ngjarja tepër e rëndë sot në Kampin ASHRAF të Muxhahedinëve në Manzë është dëshmi e qartë e mungesës së plotë të transparencës dhe profesionalizmit të veprimeve të strukturave shtetërore.

LEXO EDHE:
Pazari i radhës Rama-Berisha, për të mbajtur sistemin gjallë

Dhuna e hapur me pasojë humbjen e jetës së një personi dhe plagosjes së dhjetëra të tjerëve është tërësisht e papranueshme dhe provë e përdorimit joproporcional të forcës ndaj një komuniteti, që është mirëpritur në Shqipëri.

Kjo sjellje e dhunshme në vazhdimësi e Policisë së Shtetit kërkon veçanërisht në këtë rast evidentimin e të gjithë përgjegjësve të dhunes, si dhe verifikimin me përgjegjësi maksimale ligjore të të gjithë veprimeve të ndërmarra nga strukturat e shtetit, si një detyrim i pakapërcyeshëm për këtë ngjarje, që ka tronditur opinionin publik shqiptar dhe ndërkombëtar.”- thotë Meta.

Lajmi kryesor:

Kontrolli në kampin e MEK, Berisha: S'përjashtoj mundësinë që brenda muxhahedinëve të ketë të infiltruar terrortistë, por pagat dhe të dhënat e SHISH i nxorri Rama

G.MO/Shqiptarja.com

TAG:
• sali berisha