POP 5

Lajmet më të lexuara të 5 minutave të fundit

Kronikë

Aksioni i rrugorëve, 135 persona
të arrestuar brenda 10 ditëve

Policia e Shtetit, ka ndërmarrë një sërë masash. Gjatë 10 ditëve të para, policia ka ndaluar 135 persona të cilët udhëtonin në gjendje të dehur apo që udhëtonin pa patentë.
TIRANË - Policia e Shtetit, ka ndërmarrë një sërë masash, si në drejtim të ashpërsimit dhe maksimalizimit të penaliteteve ndaj shkeljeve të kryera nga përdoruesit e rrugës, ashtu dhe në drejtim të menaxhimit më të mirë të shërbimeve të Policisë Rrugore, me synim parandalimin e aksidenteve rrugore.
 
Gjatë 10 ditëve të para, policia ka ndaluar 135 persona të cilët udhëtonin në gjendje të dehur apo që udhëtonin pa patentë.
 
Në këtë kontekst, Policia e Shtetit informon qytetarët se do të forcohen masat ndëshkuese, ndaj të gjithë përdoruesve të rrugës, këtu duke përfshirë dhe këmbësorët për çdo shkelje në fushën e qarkullimi rrugor, nëpërmjet zbatimit të penaliteteve maksimale në përputhje të plotë me ligjin.
 
Fokusi i Kontrolleve dhe ndëshkimit do të jetë:
Mos përdorimi i rripit të sigurimit;
Përdorimi i celularit gjatë drejtimit të mjetit;
Mospërdorimi i kaskave mbrojtëse për drejtuesit e motorrëve;
Tejkalimi i normave të lejuara të shpejtësisë.
Mospërdorimi i pajisjeve të veçanta, siç janë pajisjet fiksuese dhe sedilet e pasme.
Policia Rrugore ka përfunduar ristrukturimin e plotë të saj, sipas strukturës së re të miratuar nga Ministri i Brendshëm, për të qenë pranë qytetarëve dhe kontrolluar çdo hapësirë të rrjetit rrugor.
 
Prej 10 ditësh shërbimet e policisë kanë forcuar masat kundër shkelësve të ligjit në fushën e Qarkullimit Rrugor, duke arrestuar në flagrancë të gjithë drejtuesit e automjeteve që kapen pa leje drejtimi apo nën ndikimin e alkoolit. Si rezultat i këtyre masave dhe kontrolleve të vazhdueshme të Policisë së Qarkullimit Rrugor, gjatë këtyre ditëve janë arrestuar gjithësej 135 persona, nga të cilët:
 
27 persona - të arrestuar për drejtim mjeti nën gjendje të dehur.
108 persona - të arrestuar per drejtim mjeti pa patente.
 
Nga kategoria e fundit, 52 persona janë drejtues autoveturash dhe 56 drejtues motorash. Për të gjithë personat e arrestuar është përpiluar dokumentacioni përkatës, i cili i është dërguar organit të prokurorisë për veprime të metejshme procedurale.
 
Policia e Shtetit është e vendosur të vijojë punën e saj me këto masa shtrënguese, si një detyrim ligjor me qëllim disiplinimin e përdoruesve të rrugës dhe rritjen e sigurisë në rrugë.
 
arrestimet policia rrugore

(Në foto: Masat e marra nga Policia e Shtetit)

Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vrasja e biznesmenit Bujar Nasufi tek 'Pallati me Shigjeta', drejtori i Policisë Tiranë: Janë mbledhur prova shkencore dhe kompjuterike, do t'i sherbejnë hetimit

Vrasja e biznesmenit Bujar Nasufi tek 'Pallati me Shigjeta', drejtori i Policisë Tiranë: Janë mbledhur prova shkencore dhe kompjuterike, do t'i sherbejnë hetimit

15 Janar, 19:48