Jo vetëm pensionistët, familjet në nevojë dhe personat me aftësi të kufizuar, por edhe një pjesë e administratës do të marrë shpërblim për fundvit.
Në aktin normativ për rishikimin e buxhetit 2024, që ka hyrë tashmë në fuqi pasi është publikuar në Fletoren Zyrtare janë caktuar 120 milionë lekë për shpërblimin e punonjësve mbështetës të administratës publike.
Ky shpërblim do t’u jepet vetëm punonjësve me paga të ulëta ku përfshihen shoferët, sanitaret, punonjësit e arkivit, protokollit etj, por ende nuk është bërë e ditur vlera e shpërblimit që do të marrin.
Përmes rishikimit janë bërë një sërë ndërhyrjesh në buxhet, ku qeveria ka vendosur të japë 2 miliardë lekë në formë huaje për Albcontrol për mbështetje buxhetore, që aktualisht i ka fondet e bllokuara prej cështjes “Beccheti”.
Këtë fundvit pensionistët marrin bonus nga 100 dhe 150 euro, me një fond në total 9.8 miliardë lekë. Por në rishikimin e buxhetit, është parashikuar 6.3 mld lekë si llogari e veçante pranë Bankës së Shqipërisë për bonusin e dytë që pensionistët do të marrin pranverën e vitit 2025 për pensionistët.
Në rishikimin e buxhetit, qeveria ka shtuar afro 1.6 miliardë lekë për pushtetin vendor për të shlyer detyrimet e prapambetura si dhe 6 bashki (Divjakë, Durrës, Gjirokastër, Pukë, Shkodër e Vlorë) do marrin fonde për "rivitalizimin e tregjeve tradicionale".
Edhe ky rishikim i ka dedikuar vëmendje të madhe transportit rrugor, fondet e të cilit janë rritur me 12.8 miliardë lekë. Referuar tabelave buxheti për transportin rrugor do të rritet nga rreth 29.3 miliardë lekë në 42.2 miliardë lekë. E nga ana tjetër janë shkurtuar fondet për bujqësinë me 453 milionë lekë.
Por nga ana tjetër janë shkurtuar ndjeshëm fondet për institucionet, ku ndikim ka dhënë padyshim mos realizimi i shpenzimeve përgjatë këtij viti. Nëse pritej që 95 institucione do të shpenzonin 430.9 miliardë lekë, tashmë pritshmëritë janë shkurtuar me 12 miliardë lekë, dhe deri më 31 dhjetor 2024 ato do të harxhojnë 418.9 miliardë lekë.
Ky akt normativ nuk ka prekur pritshmëritë për të ardhurat dhe shpenzimet. Të ardhurat për këtë vit planifikohet të arrijnë 714 miliardë lekë, ndërsa shpenzimet në 771.3 miliardë lekë.
Kliko këtu për të lexuar dokumentin e plotë
Komente
Lajme të tjera
-
Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri
16 Dhjetor, 15:31 -
Nafta për fermerët, deri në fund të gushtit subvencioni arriti 3.9 milionë euro
5 Dhjetor, 07:50 -
Ministria e Bujqësisë: Nuk ka raste të reja të gripit të shpendëve, aktiviteti tregtar i rikthehet normalitetit
19 Nëntor, 15:56 -
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Kukës, nënat me fëmijë të vegjël në krahë apel bashkisë: Bëni trotuaret! Rrezikojmë jetën duke ecur në rrugën e makinave
9 Nëntor, 17:01
-
FOTOLAJM/ Çudia në Ksamil, rrugës i vihet gardhi
9 Nëntor, 10:12 -
Rrugët me pagesë do të menaxhohen edhe nga shteti, qeveria krijon ‘EKORR’! Kompania do të monitorojë edhe akset e dhëna me koncesion
6 Nëntor, 20:38
-
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
'Bankers' mbështet Roskovecin në projekte kyçe infrastrukturore! Pastrohen kanalet kulluese, zgjerohen rrugët e Marinzës
31 Tetor, 15:58
Po te gjthe punojne e lodhen gjithe vitin Pse mos te marrin rrogen e 13 qe e ka cdo vend i bote Po ne kemi shtetar plera hajdute qe 35 vjet Zero respekt dhe voten merrni kte timin
PërgjigjuALBCONTROL-it qeveria po i jep 2 miliarde Leke kredi per te mbyllur vitin 2024 pasi kesaj Kompanie Shteterore iu sekuestruan 110 milione Euro nga permbaruesi belg per shkak te 'Ceshtjes se TV Agon me pronar Francesco Becchetti'. Francesco Becchetti ne vitin 2015 e deri sot akuzohet nga Kryministri Edi Rama dhe Qeveria si "pastrues i parave te mafies romane te plehrave". ----- Ne 07 prill 2021 Kryeministri Edi Rama tha: "Unë nuk mund t’i them si e qysh, unë mund t’i them vetëm kaq, që ai marifetçiu (Francesco Becchetti), bashkë me Ilirin dhe Saliun do marrin atë që nuk thuhet, do marrin atë që nuk hahet, që mbetet por nuk hahet, asgjë tjetër nuk kanë për të marrë nga xhepi i shqiptarëve dhe nga Shqipëria, sepse lufta kundër atij marifetçiu të paskrupullt vazhdon”. ----- Marifetciu nuk kishte gjetur e ndoshta nuk ka gjetur akoma nje 'lavatrice' perfekte per pastrimin e parave te mafies romane nepermjet vendimeve te Gjykates Nderkombetare dhe permbaruesit belg qe ekzekuton kete vendim per 110 milione Euro. ----- Ate qe s'thuhet po e ha Populli Shqiptar, qe nga foshnjet ne barkun e nenes e ne gjirin e tyre e deri tek pensionistet. ----- Mjaft me "Dekllarata"!
Përgjigju