Poeti, prozatori, teoricieni i letërsisë, mendimtari politik dhe babai i gjuhës italiane, Dante Alighieri është padyshim një emër i pavdekshëm jo vetëm në kulturën italiane, por në të gjithë botën. Babai i “Komedisë Hyjnore”, nderohet përmes një sërë aktivitetesh në ditën e tij kombëtare, Dantedì, e cila kremtohet në Itali në datën 25 mars të çdo viti, për nder të poetit të madh dhe veprës së tij të pavdekshme.
Me rastin e “Dantedi”, vepra dhe figura e tij u nderua edhe në Tiranë përmes një aktiviteti në Institutin Italian të Kulturës, të organizuar nga Departamenti i Italishtes së Fakultetit të Gjuhëve të Huaja të Universitetit të Tiranës.
“Për këtë aktivitet të veçantë kemi menduar të dëshmojmë rëndësinë e Komedisë Hyjnore të Dante Alighierit, edhe në letërsinë shqiptare. Kjo vepër është përkthyer në shqip në disa versione.”, - thotë Daniela Silvano, pedagoge e gjuhës italiane në Fakuletin e Gjuhëve të Huaja në Tiranë.
Gjatë aktivitetit u shfaq një video me protagonistë një grup studentësh të Departamentit të Italishtes, të cilët kanë provuar të dramatizojnë Këngën XXXIII të Parajsës.
“E veçanta në këtë video është se Kënga XXXIII e Parajsës është se ka këngë të alternuara në italisht dhe në shqip, për të ilustruar në njëfarë mënyre dhe për të theksuar lidhjen e ngushtë kulturore mes Italisë dhe Shqipërisë.”, - vijon Silvano.
Për të pranishmit u prezantua gjithashtu edhe një tjetër video, fryt i një projekti të titulluar “Dante, terzine in tutte le lingue del mondo”, realizuar në bashkëpunim me lektoret MAECI të dhjetë universiteteve ndërkombëtare, në të cilën studentët recitojnë tercninat më të famshme të Komedisë Hyjnore, si në italisht ashtu edhe të përkthyera në gjuhët e vendeve përkatëse.
Takimi është çelur nga Prof. Mirela Papa, Drejtuese e Departamentit të Italishtes, e cila bëri një analizë të thellë të historisë së përvetësimit dhe përkthimeve të ndryshme të Komedisë Hyjnore në gjuhën shqipe.
Komente
Lajme të tjera
-
Digjitalja sipas artistëve bashkëkohorë italianë e ballkanas! Ekspozita kolektive shëtitëse nis nga kryeqyteti shqiptar
24 Shkurt, 13:34
-
Transformimi i peizazhit urban në artin e Anila Rubikut! Artistja shqiptaro-italiane, me ekspozitën e parë në Tiranë
31 Janar, 12:57
-
Shfaqet dokumentari për gjuhën dhe traditat arbëreshe! Lorik Cana dhe Arbër Agalliu, protagonistë te 'Udha'
22 Nëntor 2024, 14:13
-
Ilide Carmignani, ‘zëri’ i Nerudës, Markez e autorëve të mëdhenj në italisht në Panair: ‘Magjia’ e përkthimit e miqësia me Sepulvedën! Letërsia, urë dialogu me Shqipërinë
17 Nëntor 2023, 16:27
-
Italo Calvino, bota e mjeshtrit italian në ilustrime! Në Qendrën e Librit ekspozita me 31 punime të përzgjedhura nga 500 artistë nga e gjithë bota
18 Tetor 2023, 17:07 -
'Shënime video’, artistë shqiptarë e italian bashkë për aspekte të veçanta të realitetit! Kufijtë dhe individualiteti, 'Njerëzit e zakonshëm' të Filippo Berta-s
20 Shtator 2023, 16:14
-
Ornela Vorpsi në Tiranë: Më kujtohet nëna, babai, rihapen plagë! S’e kam një shtëpi, por vij me dëshirë! 'Sulmet' për raportin me Ramën: I ditur e i kultivuar, si e njoha tek 'Artet'!
20 Prill 2023, 16:58
-
30 vite nga eksodi i parë i shqiptarëve drejt Italisë, kineasti: Nuk e dinim se ku po shkonim! (VIDEO)
11 Mars 2021, 14:53
-
Konkurs për artistët e rinj, Alessandra Bertini: Tema qendrore, “Hapësira e jetuar”
30 Prill 2020, 16:51
