Organizimi i aktiviteteve për festën e 1 Qershorit, ka sjellë kaos në Tiranë. Që në orët e para të mëngjesit është bllokuar qarkullimi i makinave në Bulevardin “Dëshmorët e Kombit” dhe rrugët që të lidhin me të. Kjo ka bërë që shoferët të mos jenë në dijeni të lëvizjes së mjeteve, duke ngelur me orë të tëra në trafik.
Automjetet thuajse nuk lëviznin nga vendi, pavarësisht se ora shënonte 10:00 e paradites dhe qytetarët duhet të shkonin në punë. Trafiku është bllokuar për disa orë në rrugët e ish-Bllokut, pranë TVSH-së, Rruga e Elbasanit, të dyja krahët e Unazës, por edhe akse të tjera.
Në lidhje me bllokimin e rrugëve, Bashkia e Tiranës njoftoi në orët e mesnatës se si do të bëhej lëvizja e automjeteve. Siç duket nga kjo faksimile njoftimi për bllokimin e rrugëve ka ardhur në orën 23:31 minuta të së enjetes, duke bërë që qytetarët të mos informohen siç duhet.
Për më tepër organizatorët e aktiviteteve nuk janë koordinuar me Policinë Rrugore. Report TV pyeti pranë Policisë Rrugore, ku drejtues të saj thanë se janë informuar vetëm mëngjesin e së premtes për të gjitha rrugët që ishin bllokuar nga ana e institucioneve vendore. Zyrtarisht zyra e shtypit në Policinë e Tiranës tha se nuk kishte informacion për bllokimin e rrugëve.
Trafiku i rënduar ka ardhur edhe për shkak të bllokimit të rrugës nga kryqëzimi pranë ish stadiumit Qemal Stafa, deri te aksi që të nxjerrë në Sheshin “Nënë Tereza”. Kompania “Alb Star”, e cila po ndërton stadiumin kombëtar, e ka bllokuar këtë rrugë prej disa ditësh.
Për këtë arsye Report TV kontaktoi me zyrën e shtypit në Bashkinë Tiranë, e cila nuk pranoi të japë një përgjigje nëse kompania “Alb Star” ka marrë leje për bllokimin e rrugës nga rreth rrotullimi pranë TVSH deri tek Sheshi “Nënë Tereza”.
Aktivitetet për 1 qershorin kanë sjellë pengimin e zhvillimit të jetës normale në Tiranë, ndërkohë që këto aktivitet mund të zhvendoseshin në Sheshin “Skënderbej”, duke bërë që edhe rrugët të mos bllokoheshin.
Trafiku ne Tiranë pranë ish-Stadiumit Qemal Stafa
Njoftimi i bashkise per devijimin e qarkullimit ne oren 23:31 minuta mbremjen e djeshme
Lajme të tjera
-
1 Qershori vjen me atmosferë festive për fëmijët në Aeroportin Ndërkombëtar të Tiranës
1 Qershor, 18:11 -
1 Qershori/ Presidenti dhe Zonja e parë hapin dyert e presidencës për fëmijët
1 Qershor, 15:31 -
Elisa Dedja: Një thirrje zemre për 1 qershorin
1 Qershor, 11:07
-
1 qershori, fëmijët festojnë në rrugët dhe sheshet e Tiranës! Inaugurohet akademia e çiklizmit, Veliaj: Më e madhja në Ballkan! Molotovi nuk i ndal dot punët e Tiranës
1 Qershor, 07:30 -
1 qershori do jetë ditë pa makina në kryeqytet, ja aktivitetet që do të organizohen për fëmijët nga Bashkia e Tiranës
31 Maj, 18:38 -
1 qershori ‘i munguar’ i Deborës, 12-vjeçarja shet bizhu të bëra vetë në Instagram e në terren: E siguroj vetë jetesën dhe jam nxënëse ekselente
1 Qershor 2023, 15:44
-
1 Qershori/ Përurohet Akademia e parë e Çiklizmit, Veliaj: Dhuratë për fëmijët e Tiranës! Regjistrojini në kurse sportive
1 Qershor 2023, 15:22 -
VIDEO/ 1 Qershori, fëmijët në Bazën Ajrore të Farkës! Frymëzim për t'u orientuar drejt FA
1 Qershor 2023, 09:26 -
Sot 1 qershori, dita ndërkombëtare e fëmijëve, vogëlushët në festë! Rama dhe Begaj: Gëzuar
1 Qershor 2023, 08:09 -
Shkollat buzë rruge/ 1 qershori mes festës dhe merakut të gjyshërve: I marrim fëmijët përdore
1 Qershor 2022, 18:40
-
Festa e 1 Qershorit, 300 fëmijë bëhen bashkë në “Rreze Dielli’’ dhurojnë super performancë dhe përcjellin mesazhe të ëmbla
1 Qershor 2022, 11:50 -
Sot 1 qershori, festa dedikuar buzëqeshjeve të fëmijëve në të gjithë botën! Ministrja e Shëndetësisë: Zgjerojmë programet për shëndetin e fëmijëve në shkolla
1 Qershor 2022, 07:15
