Akuza e fortë e Bashës: Suel Çela ka mbajtur peng për 4 orë një të ri në Elbasan që të firmosë formularin e Berishës për Kuvendin Kombëtar

Lulzim Basha ka bërë një akuzë të fortë sot duke thënë se Suel Çela, , kreu i një bande famëkeqe në Elbasan ka marrë peng një të ri, me qëllimin e vetëm që të firmosë formularin e Sali Berishës për thirrjen e Kuvendit Kombëtar të PD-së. Këtë deklaratë të fortë, Basha e bëri nga Kryesia e Partisë Demokratike. Ai thotë se Suel Çela e ka mbajtur peng të riu për më shumë se 4 orë dhe më pas ky i fundit është detyryar të firmosë formularin. Kjo sipas demokratit është një tregues se si Sali Berisha i ka mbledhur firmat, e që sot kërkon që të mbledhë Kuvendin Kombëtar për t'i marrë partinë.

“A është futur Suel Çela? Po është futur! Dhe jam i bindur se është me porosi të Edi Ramës dhe jo të Sali Berishes. Po çfarë mund të bëjë një 20 e ca vjeçar 4 orë nën presionin e Suel Çelës përveçse të firmosë?,” tha Basha.

LEXO EDHE:
Flamur Noka letër Lulzim Bashës: Mos përdor simbolet e PD! Po monitorojmë çdo aset  

Lajmi kryesor:

Basha fiton betejën e kryesisë: 26 vota pro Kuvendit Kombëtar të PD më 18 dhjetor, vetëm 3 kundër! Akuza Berishës: Suel Çela e Aqif Rakipi ndihmuan për të mbledhur firma!

B.K./Shqiptarja.com

TAG:
• lulzim basha
• PD
• sali berisha
• suel cela
• perplasja berisha basha
• flamur noka