Akuzat për makinat me euro/ Balla: Po bëjmë gati padinë e tretë për Lulzim Bashën

TIRANE-Sekretari i Përgjithshëm i PS Taulant Balla reagoi pas akuzave të Lulzim Bashës në lidhje me 3.4 mln eurot e bllokuara në Durrës. Balla shprehet se është duke vlerësuar mundësinë për të depozituar një padi të tretë ndaj Bashës, pasi sipas tij ka shpifur kundër grupit parlamentar të PS. Përsa i përket 3.4 mln eurove, Balla deklaron se lidhja e PD me të kërkuarit është antike, ndërsa e Bashës së paku fotografike.

Pas shpifjeve dhe ofendimeve të reja të Lulzim Bashës, tanimë drejtuar gjithë grupit parlamentar, ndërkohë që jemi të bindur se afera e eurove të sekuestruara do të zbardhet plotësisht pasi të kapen autorët në kërkim (me të cilët lidhja e PD është antike ndërsa e Lulzim Bashës me ta është së paku fotografike), po vlerësojmë çuarjen në Gjykatën e Krimeve të Rënda të një padie të tretë, në tre ditë, për gojën e tij të përdale totalisht pas vendimit të Këshillit Europian për datën e negociatave.

Është përditë e më e qartë se përfshirja në debatin e baltës e të llumit me të e me partinë e tij, thjesht na bën pis edhe ne duke lodhur e mërzitur shqiptarët. Ne do të përfshihemi më shumë me opozitën reale, e cila gjendet në territorin ku janë hallet e problemet e njerëzve.

LEXO EDHE:
Basha me të rinjtë në Korçë: Shqipëria nuk do të jetë peng i një grushti njerëzish! Ne do t’u ofrojmë shqiptarëve alternativën

Me opozitën reale që është mes njerëzve të zakonshëm që ngrenë zërin sa herë u japim mundësinë e kontaktit me ta. Me opoziten reale që është në rrjetet sociale e mes grupeve të interesit që presin më shumë nga ne dhe kërkojnë më shumë prej nesh. Ndërsa me Lulzim Bashën dhe esadistët e tij ne do të ndjekim gjithnjë e më shumë rrugën gjyqësore të përballjes me shpifjet e ndyra e më genjeshtrat ofenduese të tyre. Ata tanimë duhet të mësojmë të sjellin prova para publikut ose të turpërohen siç e meritojnë në sallat e gjyqeve.

Taulant Balla

Pak ditë më parë Balla depozitoi dy padi ndaj Bashës për nxjerrje të sekretit hetimor dhe shpifje për dosjen e 3.4 milionë eurove, per te cilat prokuroria nisi hetimet. Ndërsa Balla sot paralajmëroi se po shikohet mundësia e padisë së tretë për shpifjeve për grupin e PS nga Basha.

TAG:
• lulzim basha
• taulant balla

Sondazhi i ditës:

Shqipëria humb me Italinë, a ka shanse të kalojë grupin në Euro 2024?

• Po

  34.7%

• Jo

  57%

• Nuk e di

  8.3%

Vota total: 4944

Votat totale janë unike

• Sondazhi i ditës:

  Shqipëria humb me Italinë, a ka shanse të kalojë grupin në Euro 2024?

  Po Jo Nuk e di