Apeli i GJKKO-së konfirmon vendimin e gjykatës së Shkallës së Parë për anëtaren e KPK-së! Etleda Çiftja shpallet e pafajshme, bien dy akuzat ndaj saj

Apeli i GJKKO-së konfirmon vendimin e gjykatës së Shkallës së Parë për anëtaren e KPK-së! Etleda Çiftja shpallet e pafajshme, bien dy akuzat ndaj saj

Anëtarja e KPK, Etleda Çiftja

Apeli i Gjykatës së Posaçme kundër Korrupsionit dhe Krimit të Organizuar ka konfirmuar vendimin e gjykatës së shkallës së parë të dhënë në 16 shtator të vitit të kaluar ku anëtarja e KPK-së, Etleda Çiftja u shpall e pafajshme përkundër akuzave që rëndonin ndaj saj për deklarim të rremë të pasurisë dhe falsifikim të dokumenteve.

“Në përfundim, Gjykata e Posaçme e Apelit për Korrupsionin dhe Krimin e Organizuar vendosi: Lënien në fuqi të vendimit nr.48, datë 16.09.2022 të Gjykatës së Posaçme të Shkallës së Parë për Korrupsionin dhe Krimin e Organizuar”-thuhet në vendimin e publikuar nga Apeli i GJKKO-së.

Kujtojmë se pas vendimit të dhënë nga gjykata e Shkallës së Parë, SPAK e ankimoi duke kërkuar dënimin me një vit burg, konvertuar në shërbim prove për Çiftjan pasi e akuzon për falsifikim dokumentesh dhe deklarim të rremë pasurie. Sot Apeli i GJKKO-së me trup gjykues të përbërë nga gjyqtarët Miliana Muça (kryesuese), Igerta Hysi (anëtare) dhe Daniela Shirka (anëtare), ka liruar nga të dyja akuzat anëtaren e Komisionit të Pavarur të Kualifikimit.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD