Kryebashkiaku bullgar, Valentin Dimitrov është arrestuar ditën e djeshme me kërkesë të Zyrës së Prokurorit Publik Evropian, pas një hetim mbi një mashtrim të dyshuar që përfshin fondet e BE-së të destinuara për një projekt për të rritur efikasitetin e energjisë në ndërtesat e banimit.
Valentin Dimitrov, kryebashkiak i qytetit Gjeneral Toshevo në Bullgarinë verilindore, u arrestua më 9 gusht me kërkesë të Zyrës së Prokurorit Publik Evropian. Ministria e Brendshme e ka konfirmuar arrestimin për Radion Evropa e Lirë.
Dimitrov ka qenë nën hetim për mashtrim që përfshin subvencione nga Bashkimi Evropian për projektin e efiçiencës së energjisë së banesave, tha Zyra e Prokurorit Publik Evropian në një njoftim për shtyp . Shkeljet e supozuara kanë ndodhur në vitet 2017-19.
Gjenerali Toshevo mori një grant nga BE për të financuar projektin në shumën prej 169,000 euro (185,000 dollarë), sipas zyrës së prokurorit. Projekti i është caktuar një kontraktori privat.
Sipas provave të mbledhura, zyrtarët e përfshirë në projekt, përfshirë edhe kryetarin e komunës, kanë paraqitur informacione të rreme për realizimin e punimeve, të cilat nuk kishin përfunduar në kohë, tha prokuroria.
Arrestimi i Dimitrov është i pari në Bullgari me kërkesë të zyrës së kryeprokurores evropiane Laura Kovesi.
Kovesi tha në mars 2022 pas një takimi me kryeministrin bullgar Kiril Petkov se zyra e saj kishte marrë një numër rekord raportimesh për keqpërdorim të fondeve të BE-së në Bullgari. Në bazë të raportimeve, prokuroria ka nisur hetimet për më shumë se 120 raste.
Dimitrov, i zgjedhur për herë të parë në 2015 dhe i rizgjedhur në 2019, është përfaqësues i Partisë Socialiste Bullgare, ish Partia Komuniste. Partia pro-ruse është në opozitë në parlamentin bullgar.
Kontrollet u kryen edhe më 9 gusht, përfshirë zyrat e zyrtarëve të dyshuar për bashkëpunim në krimet nën hetim. Disa dëshmitarë dhe të dyshuar ende nuk janë marrë në pyetje.
Zyra e Prokurorit Publik Evropian është një shërbim publik i pavarur i BE-së. Zyra është përgjegjëse për hetimin dhe ndjekjen penale të autorëve të krimeve kundër interesave financiare të BE-së./REL
Lajme të tjera
-
Bullgaria sekuestron heroinë me vlerë 8.5 milionë euro
20 Prill, 21:00 -
Bullgaria gjen armë që dyshohet se janë të lidhura me Hamasin
4 Prill, 14:57 -
Rumania dhe Bullgaria sot në Schengen, por me kufizime
31 Mars, 11:18 -
Qeveria bullgare jep dorëheqje sipas marrëveshjes për ndarjen e pushtetit
5 Mars, 21:36 -
Kryetari i Parlamentit të Bullgarisë nesër vizitë në Tiranë, pritet nga Nikolla
25 Shkurt, 13:16 -
Europiani i Peshëngritjes/ Erkand Qerimaj dhe Kristi Ramadani i dhurojnë Shqipërisë tre medalje argjendi
16 Shkurt, 21:40 -
Europiani i Peshëngritjes, Briken Calja renditet në vendin e pestë
15 Shkurt, 21:42 -
Kampionati Evropian i Peshëngritjes, Shqipëria përfaqësohet me 7 sportistë (Agjenda)
14 Shkurt, 19:35 -
Numri i ulët i lindjeve në Serbi, Vuçiç: Shqiptarët, kroatët dhe bullgarët janë më keq se ne
26 Janar, 15:05 -
Bullgaria zgjat mbrojtjen e përkohshme për refugjatët ukrainas
26 Janar, 09:07 -
Zyrtare/ Kërkon një ftesë nga Sylvinho, mbrojtësi korçar firmos me Debrecenin në Hungari
5 Janar, 16:00 -
Rumania dhe Bullgaria do t’i bashkohen zonës Shengen në mars 2024
28 Dhjetor 2023, 12:07
