Alarmante në Athinë, 1.200 makina të bllokuara në dëborë për më shumë se 20 orë! Fëmijë, gra shtatzëna dhe të moshuar 'të dorëzuar' në të ftohtin 'siberik'

Situata nga mbrëmjen e djeshme në Athinë

Situata nga mbrëmjen e djeshme në Athinë

GREQI- Reshjet e dendura të dëborës të ditëve të fundit që kanë përfshirë kryeqytetin grek, Athinën, kanë krijuar një situatë kaotike në rrugët e vendit.  1.200 automjete kanë ngecur në "Atiki Odo" për mbi 20 orë pasi lëvizja është bërë gati e pamundur për shkak të dëborës.

Pa ngrohje të "dorëzuar" në temperaturat nën zero, pa ushqim dhe pa ujë kanë mbetur shoferët dhe pasagjerët e makinave që kanë krijuar radhë të gjata në pritje të zhbllokimit.

Në këto momente të vështira, ushtria greke është angazhuar për t;i ardhur në ndihmë njerëzve që po vuajnë larg familjeve në kushte ekstreme të motit, duke i ofruar ushqim të ngrohtë dhe ujë të pijshmë.

"Një tmerr, jam këtu nga mëngjesi i djeshëm në orën 9. Shumë dëborë s'kemi marrë ndihmë.", tha njëri prej shoferëve të ngecur.

"Jam këtu prej më shumë se 20 orësh. Nuk kemi asnjë informacion", tha një tjetër i dëshpëruar nga gjendja e rëndë në të cilën ndodhet.

Situata është alarmante në vendin fqinj! Ka fëmijë, gra shtatzëna dhe të moshuar që po presin në makinën e tyre të zhytur në dëborë.

Lidhur me këtë gjendje ka reaguar edhe ktyeministri grek Kyriakos Mitsotakis, i cili kërkoi 2000 euro dëmshpërblim për çdo automjet i cili mbeti i bllokuar në Attiki Odo nga kompania koncesionare e Attiki Odo , që është përgjegjëse për mirëmbajtjen e rrugës. Kompania pa heziitim pranoi menjëherë.

Rendit zhvillimet sipas orarit:
Ora 11:39
U bllokuan për orë të tëra në dëborë, Mitsotakis kërkon nga kompania koncensionare të dëmshpërblejë me 2000 euro çdo makinë

Kryeministri grek Kyriakos Mitsotakis kërkoi 2000 euro dëmshpërblim për çdo automjet i cili mbeti i bllokuar në Attiki Odo nga kompania koncesionare e Attiki Odo , që është përgjegjëse për mirëmbajtjen e rrugës.

Sipas mediave greke, kompania pa hezitim pranoi të dorëzojë këtë shumë si dëmshpërbim për kushtet e vështira në të cilat qëndruar qytetarët.

Pas situatës kaotike që u shkaktua në rrugët e vendit, Mitsotakis kryesoi një takim ku morn pjesë Ministri i Mjedisit dhe Energjisë Kostas Skrekas , Ministri i Krizave Klimatike dhe Mbrojtjes Civile Christos dhe Sekretari i Përgjithshëm i Kryeministrit  Grigoris Dimitriadis në të cilën diskutuan mënyrat e mundshme për të vënë nën kontroll situatën e vështirë të cilën po kalojnë

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

Me Buron Sadik Kacelin, dy thesare arti në një studio!