Boksieri shqiptar Alban Beqiri, është zyrtarisht në gjysmëfinalet e Kampionatit Botëror për Amatorë që po zhvillohet në Serbi, duke siguruar medalje bronzi.
Ai mposhti në çerekfinale jordanezin Zejad Ishaish në duelin e peshave 67-71 kg, duke fituar me rezultatin 4-1, duke treguar superioritet të theksuar në teknikë ndaj një kundërshtari që kishte mundur dy herë kampionin olimpik, kubanin Sotolongo.
Kjo ishte fitorja e katërt e Beqirit, i cili është pjesë e skuadrës së Tiranës. Më parë, Beqiri kishte fituar edhe kundër Maina nga Kenia Banis nga Lituania dhe Chambers nga Panamaja.
![](https://shqiptarja.com/template/img/NO_ALFA_Kuadrate shqiptarja.png)
Luftëtari kuqezi mban edhe brezin e kampionit të Ballkanit, duke shpresuar që me këtë sukses, që tani historik për boksin shqiptar, ta vazhdojë karrierën edhe në arenën më të rëndësishme ndërkombëtare.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
bravo Tirana na kenaqe shpirtin ,dhe perpara
Përgjigju