TIRANË- Ambasadorja e SHBA-së në Tiranë, Yuri Kim ia ka bërë të qartë presidentit Ilir Meta se SHBA-ja nuk mbështet asnjë kandidat apo parti politike në këto zgjedhje. Akuzave të kreut të shtetit se “po favorizon kryeministrin Edi Rama”, Kim iu përgjigj shumë shkurt dhe qartë se SHBA-së i intereson vetëm zhvillimi i zgjedhjeve në paqe, pa cenuar votën e asnjë qytetari.
“Takova sot kryetarin e PD, Lulzim Basha, njësoj siç jam takuar me presidentin Ilir Meta dhe kryeministrin Edi Rama në 48 orët e fundit. Ne përsërisim se nuk mbështesim asnjë parti apo kandidat. Por ne absolutisht mbështesim të drejtën e të gjithë qytetarëve për të votuar të lirë dhe në paqe”, shkruan ambasadorja Kim.
Postimi i ambasadores së SHBA-së, Yuri Kim
Kjo përgjigje vjen për Metën, pas takimit që zhvilloi ambasadorja me kryedemokratin Lulzim Basha. Takimi është zhvilluar në selinë blu dhe vjen vetëm pak orë para zgjedhjeve të 25 prillit, si dhe sulmeve të bëra nga presidenti në drejtim të SHBA-së, për të cilat deri më tani, PD dhe Lulzim Basha nuk janë distancuar publikisht. Takimi ka zgjatur për rreth 1 orë dhe në përfundim të saj, Kim u largua pa dhënë një prononcim për mediat.
Presidenti Ilir Meta, dje i dalë krejtësisht nga kontrolli, ka bërë deklarata të forta kundër ambasadores së SHBA-së në Tiranë, Yuri Kim ku e ka akuzuar se po mbështet Ramën në këto zgjedhje. Sipas Metën, Kim e ka “kërcënuar” duke i thënë që të “mos bëj zhurmë se SHBA di ca gjëra për ty”. Kreu i shtetit shkoi edhe më tej duke thënë se e di që “SHBA-ja do ta vrasë”, por vijoi kërcënimet e tij duke thënë se nuk ka “vetëm SHBA-ja raketa, por edhe Rusia apo Koreja e Veriut”.
Në ndryshim nga Basha, lidhur me deklaratat e Metës, kryeministri Edi Rama ka reaguar duke thënë se “Iliri është dehur komplet dhe jashtë binarëve”, duke paralajmëruar se nëse nuk do të japë dorëheqjen do e shkarkojë Kuvendi, pa pritur krijimin e parlamentit të ri pas zgjedhjeve të 25 prillit. Presidenti Ilir Meta ka ashpërsuar retorikën e tij politike, me sulme dhe akuza të ashpra në drejtim të kryeministrit Edi Rama, por këtu nuk ka kursyer as ambasadorët, e më specifikisht Yuri Kim.
Ambasadorja Yuri Kim zbardh takimin me Bashën.
“Në 48 orët e fundit takova Metën dhe Ramën. Përsërisim që SHBA nuk është mbështetës i asnjë partie apo kandidatit, por mbështesim absolutisht të drejtën e qytetarëve për të votuar lirshëm dhe në paqe”, shkruan Kim.
Lajme të tjera
-
Meta reagon nga qelia: Pensionistëve u jepet një lëmoshë! Në 11 vite në pushtet Rama i varfëroi
2 Nëntor, 15:24 -
'Amerika Vendos!' Report Tv e Shqiptarja.com transmetim maratonë mbrëmjen e 5 Nëntorit, nisim në 21:00
2 Nëntor, 15:15 -
Kemi Badenoch liderja e re e Partisë Konservatore në Angli, Basha: Arritje e jashtëzakonshme
2 Nëntor, 14:50 -
NBA/ Cleveland dhe Oklahoma ende të pamposhtur, Boston e Lakers rikthehen te fitorja
2 Nëntor, 13:21 -
Zgjedhjet 2025/ Celibashi: Po punojmë me PD-në për të mundësuar votimin elektronik në qarkun Tiranë
1 Nëntor, 21:45 -
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Votimi i hershëm në SHBA, votojnë më shumë se 65 milionë amerikanë
1 Nëntor, 15:49 -
NBA/ Uttah Jazz asnjë fitore, Morant vërteton krizën e Milwaukee! Nuk ndalet Phoenix
1 Nëntor, 15:34 -
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01
