TIRANE - Albert Nikolla, Koordinator i përgjithshëm për vizitën e Papa Franceskut në Tiranë, në një prononcim për “A1 Report”, jep detaje të pazbuluara më parë. Nikolla sqaron se Papa do të ketë një axhendë të ngjeshur gjatë 12 orëve që do të qëndrojë në Tiranë dhe në Fushë-Krujë, që fillon me pritjen nga kryeministri Edi Raman në aeroport, për të vazhduar me fjalimin në presidencë, meshën në qendër të Tiranës.
 
Nikolla shpjegon edhe disa nga arsyet se pse Papa Francesku zgjodhi të vizitojë Shqipërinë.

“Ka dy arsye të cilat janë zyrtare ose motive të vizitës që ai i ka shprehur vetë në qershor ku tha se unë shkoj thellësisht për dy motive, motivi i parë është të përforcoj kishën katolike atje duke qenë së është një kishë që ka vuajtur jashtëzakonisht shumë gjatë kohës së komunizmi sikurse edhe fetë e tjera, por vuajta e kishës katolike mbetet me të vërtet emblematike dhe unike në llojin e vet. Duke qenë se mbi 220 meshtarë , 180 meshtarë u vranë u burgosën dhe dëmi që i shkaktoj regjimi komunist kishës katolike ishte i jashtëzakonshëm, dhe për këtë arsye Papa e ndjen faktin se kjo kishë ka nevojë ta përforcojë. Dhe motivi i dytë thotë unë vij për të përforcuar një popull që ka vuajtur rëndë nën indologjinë komuniste, atëherë këtu vjen për të gjithë Shqiptarët, kjo është një gjë shumë e rëndësishme të theksohet sepse ai vjen për të gjithë shqiptarët, Papa është i mirëpritur nga të gjithë shqiptarët , nga personat katolik, jo katolik nga fetë e tjera nga besimtarët dhe jo besimtarët, persona vullnet të mirë të këtij vendi pra ata e presin si një mik siç e kanë traditë shqiptaret. Por një mik që i bën nder të madh Shqipërisë një mik krejt i veçantë, një mik që i sjell një mesazh shpirtëror, fetar por edhe social, kulturor dhe politik,. Politik në kuptimin më të gjerë të fjalës politik. Përveç këtyre dy motiveve që Papa jep zyrtarisht ka edhe disa motive të tjera që nuk kanë nevojë të thuhen por që ekzistojnë të tilla dhe këto motive mendoj unë kanë një kuptim të thellë ideologjike që do të thotë Shqipëria është një nga vendet më të varfra në botë, Shqipëria është një vend që ka vuajtur shumë, Shqipëria është një vend periferik dhe të gjitha kt që thashë përbëjnë motive që , lë të themi jo të shpallura nga ana e atit të shenjtë sepse duke qenë së është një vend i varfër është ungjillore, pra brenda ungjillit ne gjemë motivin ku si logjikë ne duhet të shkojmë drejt atij që është më i varfër dhe drejt ati që vuan më shumë. Dhe për këto arsye mendoj që është ungjillore që Papa kërkon një vend të varfër ta zgjidh si të parin. E dyta është se është si një vend që ka vuajtur shumë edhe kjo gjë është ungjillore . Është një vend periferik i Evropës, është një vend që sapo ka marrë statusin jashtëzakonisht shumë të rëndësishëm të kandidatit për në Evropë, dhe ky fakt është i rëndësishëm për historinë e Shqipërisë por është një fakt që ka lidhje edhe me diçka tjetër mendoj unë që ka të bëjë me jetën e personale, meshtarake fetare të Papës. Papa Bergoglio ka jetuar për disa kohe edhe si ipeshkv i Buonos Aires të Argjentinës dhe atje ai ka qenë jashtëzakonisht shumë i dedikuar ndajë të varfërve, kryesisht ipeshkvinjt dhe priftërinj janë të dedikuar ndaj të varfërve por midis tyre ka edhe persona që kanë hire ose dhunti më të forta dhe kana pasione të veçanta për ta ushtruar besimin e tyre fetar dhe Papa Bergolio kishte një pasion të veçantë për periferitë, njerëzit e varfër të periferive dhe mendoj se ky fakt ka ndikuar në vendimmarrjen për të vizituar të parën Shqipërinë si një vend periferik. Një argument tjetër nga ato që nuk mund të shprehen ka të bëjë me faktin që Shqipëria është një vend i vogël. Në ungjill ne kemi një shprehje shumë të fortë të Krishtit që thotë që do gjë që ja keni bërë më të voglit prej vëllezërve të mi, ma keni bërë mua. Pra është kjo është thellësisht e krishterë përzgjedhja e të voglit", tha Nikolla.

(Speciale)