POP 5

Lajmet më të lexuara të 5 minutave të fundit

Politikë

Aleatët e PD krerët “braktisin” partitë

5 krerët e partive aleate të djathta që janë regjistruar në listën e PD do të garojnë për një mandat deputeti të djathtë dhe jo nën siglën e partisë që ata drejtojnë. Bëhet fjalë për Fatmir Mediun, Shpëtim Idrizin, Dashamir Shehin, Nard Ndokën dhe Lufter Xhuvelin.
TIRANE - Lista e Partisë Demokratike, përveç emrave të deputetëve aktual dhe emrave të rinj për kandidat ka përfshirë edhe disa krerë të partive që janë regjistruar në koalicionin “Aleanca për Punësim, Mirëqënie dhe Integrim”.

Duket se kreu i këtij koalicioni, lideri i së djathtëve Sali Berisha mbajti premtimin për aleatët e tij për t`i vendosur ata në listat për deputetë përkrahë demokratëve dhe bashkimit të disa prej socialistëve.

Por përfshirja e 5 kryetarëve të partive aleate sjell automatikisht mosregjistrimin e tyre në listat që kanë paraqitur partitë që ata drejtojnë për deputetët për zgjedhjet e 23 qershorit.

Janë pikërisht kreu i Partisë Republikane, Fatmir Mediu, kreu i Partisë për Drejtësi, Integrim dhe Unitet Shpëtim Idrizi, ai i Lëvizjes për Zhvillim Kombëtar, Dashamir Shehi, kreu i Partisë Demokristiane Nard Ndoka si dhe ai i Partisë Agrare Ambientaliste, Lufter Xhuveli që nuk do të jenë emra në listat e këtyre partive që janë depozituar në KQZ.

Duket se nga krerët e partive të sipërpërmendura është gjetur kjo strategjia për të qenë kandidat në listat e PD për të fituar kështu pothuajse të sigurt mandatin e një deputeti dhe më pas përfaqësimin e partive që ata drejtojnë në Parlament.

5 aleatët e Berishës kanë një numër jo të vogël duke përfshirë këtu dhe 3 mandatet e ish-socialistëve, mandate këto që u hiqen të djathtëve. Marrëveshja e Berishës me aleatët e vegjël të tij i kushtoi pikërisht 8 mandate deputetëtësh.

Por gjithësesi ligji zgedhor e lejon një gjë të tillë nëqoftë se kreu i një parti të caktuar zgjedh të garojë vetëm në një parti, duke hequr automatikisht dorë nga mundësia që të zgjidheshin si deputet nga partitë e tyre.

Ndërkohë që ajo që është e rëndësishme është pikërisht elektorati i këtyre partive, që ndoshta do të çuditen kur të shikojnë listat e zgjedhësve pa emrat e kryetarëve të tyre si kandidat, edhe pse emri i tyre do të jetë vetëm si kryetar.

Në një prononcim për Shqiptarja.com. kreu i LZHK, Shehi sqaroi dhe marrëveshjen e bërë me liderin e së djathtëve në mënyrë të tillë që ai të ishte kandidat për deputet i djathtë dhe jo i LZHK.

“Nuk na ndalon asgjë që ne të garojmë si deputet nën siglën e një koalicioni dhe jo të partisë sonë. Gjithësesi nëse zgjidhemi deputetet, sigurisht që në Parlament do të përfaqësojmë partinë që drejtojmë”, tha Shehi.

KODI ZGJEDHOR

Kodi Zgjedhor e ka të përcaktuar qartë se një kandidat duhet të jetë i regjistruar vetëm në një listë për të garuar për mandat deputetei.

“Kandidati për deputet, i regjistruar në një listë shumemërore në një zonë zgjedhore ose kandidati për këshillat e bashkisë dhe komunës nuk mund të regjistrohet si i tillë për një zonë zgjedhore tjetër, qoftë edhe për llogari të një partie apo koalicioni tjetër dhe as si i propozuar nga një grup zgjedhësish”, thuhet në nenin 67 të kodit. Kjo duket si rruga më e lehtë për krerët e partive aleate të djathta për të fituar një mandat deputeti.

ALEATËT NË LISTA

Shpëtim Idrizi; PDIU
Fatmir Mediu; PR
Nard Ndoka; PDK
Dashamir Shehi; LZHK
Lufter Xhuveli; Partia Agrare

Shkrimi u botua sot në gazetën Shqiptarja.com (print) 08.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Siguria në shkolla, ajo rrugore dhe kibernetike, Proda pret nxënësit në Policinë e Shtetit: Mundësi e artë për maturantët te Akademia e Sigurisë

Siguria në shkolla, ajo rrugore dhe kibernetike, Proda pret nxënësit në Policinë e Shtetit: Mundësi e artë për maturantët te Akademia e Sigurisë

10 Janar, 20:12