Algert Sala, Çmimi I i
“zërave të rinj për Italinë”

Algert Sala, Çmimi I i<br />“zërave të rinj për Italinë”
TIRANE- Në qytetin e Vlorës u finalizua konkursi “Giovani Voci per L’Italia” (“Zëra të rinj për Italinë”), organizuar nga Konsullata e Përgjithshme e Italisë në këtë qytet. U dhanë dy çmime për të rinjtë që u përfshinë në konkurs në një hark kohor prej një muaji. Në sallën e Teatrit “Petro Marko” u zhvillua ceremonia e dhënies së çmimit, mes momenteve më të veçanta si koncerti i këngëtarëve Roberta Bonanno dhe Andrea Maestrelli të njohur për protagonizmin e tyre në programe të njohura televizive si ”Amici”, apo në Festivalin “Sanremo Giovani 2013”. Konkursi u mbyll me dhënien e çmimit nga një juri ekspertësh të ardhur posaçërisht nga Italia, të cilët kishin realizuar më parë vlerësimin e procesit një mujor të këtij kompeticioni.

Juria vlerësoi me çmimin e parë, nxënësin Algert Sala për këngën origjinale të padëgjuar më parë “Gli oçhi della notte” dhe në vendin e dytë klasifikoi nxënësen Xhensila Bushi, për këngën origjinale gjithashtu të padëgjuar më parë të titulluar “Io e te” . Pronari i shtëpisë diskografike “Rusty Records”, deklaroi në fund të evenimentit se të dyja këngët do të prodhohen dhe shpërndahen në shkallë botërore në një përmbledhje të posaçme, e cila do të hidhet më tej në treg në të gjitha dyqanet digitale (ITUNES AMAZON etj).

Ky aktivitet bën pjesë tërësisht në promovimin dhe ruajtjen e gjuhës dhe kulturës italiane në qytetin e Vlorës duke u ofruar mundësi talenteve të reja shqiptare të prezantohen  në publik dhe të kenë raste të rëndësishme drejt suksesit ndërkombëtar. Procesi i konkurrimit nisi në fillim të muajit prill. Konkursi “Zëra të rinj për Italinë”, përfshiu kantautorë apo grupe të kantautorëve të rinj shqiptarë  në gjuhën italiane.  Ky aktivitet u kushtohet të rinjve të shkollave të mesme  apo universiteteve, të moshave 16 deri në 25 vjeç, të cilët kompozojnë dhe këndojnë në gjuhën italiane pjesë origjinale të cilat nuk janë të njohura.

Redaksia Online
(d.a/shqiptarja.com)
 

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen