Alibeaj i përgjigjet Ramës: Nuk duam një President tangoje, të jetë dikush që pranohet nga të dyja palët

 

Kreu i grupit parlamentar demokrat, Enkelejd Alibeaj ka deklaruar se nuk kanë propozuar një emër për president, pasi sipas tij, mazhoranca nuk ka respektuat dakordësinë e arritur.

"S'ka nevojë për 2 për tango, se s'duhet të jetë një president për tango nga të 2, duhet një president mbi palët, president i shqiptarëve. Ne propozojmë, këta përzgjedhin, jo si lojë tango, por që ai/ajo, ç'rëndësi ka, të marrë mbështetjen e politikës, që nesër të mos e konsiderojnë vetes të njërës palë. Mënyra më e mirë është një proces i përbashkët, dhe hapi i fundit është pasi të identifikohet një president i gjithë pranuar mbi palët, secila palë duhet ta bashkëpropozojë jo si lojë shahu, kjo është formula, unë e di, nuk mund të bëhet eksperiment me presidentin e republikës. Në mënyrën më serioze, ne besuam që proces, rregulla, pastaj emra, është procesi që do jepte një emër, sipas kritereve që ne besuam, por nuk kemi çfarë t'i bëjmë njerëzve që i hanë fjalët. Mjeti ynë i vetëm është që të qëndrojmë te parimet", tha Alibeaj.

LEXO EDHE:
Mero Baze: Beteja këmbëngulëse e Ramës ndaj një reportazhi të RAI

Lajmi kryesor:

Dështon edhe raundi i dytë! Rama: Duhen 2 për të kërcyer tango! Alibeaj: Presidenti jo lojë shahu! Sot mblidhet Konferenca e Kryetarëve

B.K./r.k./Shqiptarja.com

TAG:
• zgjedhja e presidentit te ri
• Kuvendi i Shqiperise
• edi rama
• enkelejd alibeaj