Bashkia e Tiranës po vijon aksionin për shtimin e gjelbërimit në qytet, teksa këto muaj janë kthyer në muaj mobilizimi masiv për mbjelljen e pemëve. Këtë herë fushatës së mbjelljeve iu bashkuan nxënës të shkollës 9-vjeçare Lundër, si dhe presidenti i Aeronautikës Shqiptare, Alket Islami me vajzën e tij.
Kryebashkiaku i Tiranës Erion Veliaj tha se bashkia e Tiranës po kujdeset që, teksa mbaron infrastruktura rrugore, të vijojë puna edhe për gjelbërimin e dy anëve të rrugës.
“Nga njëra anë kemi liqenin e Farkës, ku ne shumë shpejt mbarojmë investimin dhe këtë verë do jemi gati jo vetëm për fluturimet, por edhe për vrapin, maratonën, triathlonën dhe për shumë aktivitete të tjera, që do sjellin jetë te Liqeni i Farkës, duke rritur vlerën e pronës disa herë. Nga ana tjetër e autostradës kemi investimet me tregun agro-ushqimor. Terminali i Autobusëve ka mbaruar. Kemi bashkuar Tiranën urbane, Tiranën rurale, pjesën e natyrës dhe pjesën e agro turizmit. Fakti që edhe tregu agro-ushqimor është afër, përdoret e gjithë Lugina e Erzenit dhe autostrada, si një mënyrë fantastike për të ndihmuar fermerët tanë. Gjykoj se e ka justifikuar investimin. Ne do ta ndjekim gjurmën e autostradës derisa të bashkohemi në Shkozë. Aty ku kemi bashkëpunim ne ecim përpara dhe shpejt. Aty ku kemi bllokim, politika na merr 2-3 vite të rëndësishme të jetës tonë dhe vonohemi. Por, projektet nuk pengohen, ndaj ftesa për të gjithë banorët është: Ka një moment për të bërë politikë, ka një moment për t’u marrë me votime dhe parti, por ka shumë kohë për t’u fokusuar te puna dhe për t’u siguruar që këto investime i përfitojnë të gjithë”, tha Veliaj.
Ai bëri me dije se me zhvillimin e zonës do shtohen edhe shkollat e reja, pasi nënvizoi se aty ku shkon infrastruktura shkon edhe zhvillimi.
“Në anën e djathtë të autostradës do kemi shkollën ‘Dritëro Agolli’, te pjesa e Parkut Olimpik. Në anën e majtë, në zonën e Kopshtit Botanik, do të jetë shkolla tjetër, për ta plotësuar zonën e Liqenit të Thatë. Do të kemi edhe dy shkolla të tjera në anën tjetër, tek zona e Astirit dhe pastaj te dalja në autostradë në Sauk, aty ku është akademia e Policisë”, tha Veliaj.
Nga ana e tij, presidenti i Aeronautikës Shqiptare, Alket Islami e cilësoi zonën e Farkës, si një nga vendet më të bukura të Tiranës.
“Në qoftë së do të zgjidhja, duke e parë nga lart, si një nga vendet më të bukura të Tiranës, do të zgjidhja Farkën. Jam shumë i kënaqur që bashkë me vajzën time dhe kryetarin të bëjmë këtë promocion dhe këtë mbjellje shumë të rëndësishme në këtë zonë, që ka marrë një vlerë të jashtëzakonshme, falë edhe investimit të rrugës, po falë edhe këtij biodiversiteti fantastik, rrëzë Dajtit e kësaj natyre të mrekullueshme”, u shpreh Islami.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 4 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Per cfare i doni shkollat kur nuk keni nxenes?
Përgjigju