Almeda Abazi, robina fatlume e
“Sulejmanit të madhërishëm”

Bukuroshja shqiptare Almeda Abazi do të jetë aktorja e re që do të luajë në serialin e suksesshëm turk në Evropë e më gjerë “Sulejmani i Madhërishëm” në sezonin e ri.  Vajza e re, e cila po zhvillon një karrierë të suksesshme në Turqi është bërë pjesë e kastës së njohur të aktorëve që interpretojnë në këtë film,  i cili flet për jetën e njërit prej sulltanëve më të  njohur e të lavdishëm të Otomanëve. 

Bukuroshja shqiptare, e cila deri më tani ka qenë e angazhuar në disa seriale në Turqi, ka publikuar në rrjetet sociale disa fotografi nga shesh xhirimi në serialin “Muhtesem Yuzyil”. Personazhi që do të aktrojë bukuroshja është një vajzë italiane (Valeria), e cila së bashku me një shoqe të saj (Cecilia) jetojnë në pallatin e Venedikut, nga ku rrëmbehen dhe dërgohen në pallatin e Sulltanit.



Ky rol shënon një tjetër sukses të Alemdës, e cila kohë pas kohe përflitet edhe për lidhje me personazhe të njohur turk, por deri më tani asgjë nuk duket se është konfirmuar. Ndërkohë mbeten ta shohim Almedën, si “robinën” fatlume shqiptare të “Sulejmanit të madhërishëm”.

Shkrimi u publikua sot (21.09.2013) në gazetën Shqiptarja.com (print)

Redaksia Online
(a.ç/xh.k/shqiptarja.com)