POP 5

Lajmet më të lexuara të 5 minutave të fundit

Kultura

ALUIZNI legalizon muzeun e fotografisë ‘Marubi’ në Shkodër

5 vite nga inagurimi i godinës së re, Muzeu Kombëtar i fotografisë “Marubi” ka marrë çertifikatën e pronësisë nga Aluizni. Drejtori i Kadastrës Artan Lame nga Shkodra bëri të ditur se ka filluar puna për dorëzimin e dokumenteve të regjistrimit dhe për objektet e pallateve të braktisura nga pronarët.

SHKODËR- I vlerësuar si ndër pasuritë e mëdha të trashëgimisë kulturore, 5 vite nga inagurimi i godinës së re në maj të 2016 Muzeu kombëtar i fotografisë "Marubi” në Shkodër është pajisur me dokumentin e certifikatës së pronësisë.

Kreu i Aluiznit, Artan Lame ishte në Shkodër ku i dorëzoi drejtorit të muzeut Luçian Bedeni lejen e legalizimit për këtë objekt historik ndërsa tha se vetëm 4% e institucioneve të shtetit shqiptar rezultojnë të regjistruara në Agjencinë Shtetërore të Kadastrës.

 “Me letra vetëm 4 % e pronave të shtetit shqiptar janë të regjistruara në Kadastër. Dhe ne kemi nisur një aksion edhe për shtetin shqiptar të regjistrojë pronat e veta. Në këtë kuadër ka shumë institucione që mezi përgjigjen. Por ka edhe institucione që na kapin për xhakete që e ndoqi me ngulm plotësimin e dokumentacionit siç ishte rasti”, tha Lame.

“Muzeu Marubi që nga dita inagurimit  në 2016 hasi në disa vështirësi të mëvonshme sa i përket regjistrimit të tij, kalvar që më vonë falë edhe autoritetit të Drejtorëve të zyrave në Shkodër bëri të munduar realizimin e asaj të cilin e kisha me kaq dëshirë”, u shpreh Luçian Bedeni, drejtor i muzeut "Marubi".

Lame bëri të ditur se ka filluar procesi i legalizimit për pallatet të braktisura nga pronarët investitorë ndërsa shpërndau certifikatat për banorët e një pallati të ndërtuar në vitin 2019.  Ai ftoi të gjithë qytetarët të zgjedhin një përfaqësues dhe t'i drejtohen zyrave të kadastrës kudo në Shqipëri për t’u pajisur me dokumentet e regjistrimit.

"Ejani pranë zyrave tonë, zgjidhni një përfaqësi dhe ky është rasti klasik ku jemi sot këtu në Shkodër. Ky pallat është tipikisht nga këto  kur subjekti e ka braktisur procesin. Banorët u mblodhën bashkë me administratorin e pallatit”, tha Lame.

Janë 50 certifikata pronësie që janë dhënë për banorët e pallatit të braktisur nga pronarët në Shkodër proces i cili pritet të vijojë edhe në muajt në vazhdim .

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

2 Nëntor, 21:10