TIRANË- Ambasadori i Bashkimit Evropian në Tiranë, Silvio Gonzato zhvilloi sot një takim me ministrin e ri të Brendshëm, Ervin Hoxha. Delegacioni i BE në Tiranë ka zbardhur takimin mes Gonzatos mes ministrit Hoxha.

Gjatë takimit Gonzato dhe Hoxha ranë dakord se sundimi i ligjit është themelor për procesin e anëtarësimit në BE.

Gjithashtu ata folën për partneritetin e ngushtë për çështje me rëndësi si roli i policisë, ripërdorimi i aseteve të konfiskuara, migracioni dhe përafrimi i vizave. Gonzato shprehu mbështetjen e BE për agjencitë e zbatimit të ligjit.

"Takova sot Ministrin e ri të Brendshëm, Ervin Hoxha. Ramë dakord se sundimi i ligjit është themelor për procesin e anëtarësimit në BE. Gjithashtu folëm për partneritetin tonë të ngushtë për çështje me rëndësi si roli i policisë, ripërdorimi i aseteve të konfiskuara, migracioni dhe përafrimi i vizave. Bashkimi Evropian mbetet i përkushtuar për të ofruar mbështetje të vazhdueshme për agjencitë e zbatimit të ligjit”, tha ambasadori Gonzato.

Silvio Gonzato dhe Ervin Hoxha