Ambasadori i BE: Vijoni goditjen e grupeve kriminale, këto janë rezultatet që ka pritur BE-ja

Delegacioni BE në Tiranë nisi Konsultimet Publike mbi Raportin Vjetor Shqipëria 2019 që i paraprinë dokumentin strategjik për zonën e zgjerimit nga Komisioni Evropian miraton. Një prej pikave që do të analizohet është edhe lufta kundër korrupsionit dhe krimit të organizuar; përfshirë përpjekjet për të reduktuar kultivimin e kanabisit. Ambasadori Luigi Soreca komentoi pozitivisht aksionet e fundit të policisë së shtetit.

Lidhur me historikun e zbatimit të ligjit, gjatë muajve të fundit, Policia e Shtetit Shqiptar ka ndërmarrë disa operacione të rëndësishme policore kundër krimit të organizuar dhe në veçanti, kundër trafikimit të drogës. BE-ja i ka mirëpritur këto operacione. Ne kemi parë nga Policia e Shtetit Shqiptar atë lloj veprimesh proaktive dhe rezultatesh të prekshme që Bashkimi Evropian ka pritur nga Shqipëria.

Luigi Soreca

E ndërkohë që presidenca dhe qeveria është përfshirë në një përplasje të fortë për emrin e Sandër Lleshit në krye të punëve të brendshme Ambasadori Soreca përmes një gjuhe diplomatike foli për rëndësinë e drejtimit të kësaj ministrie.

Ky trend pozitiv duhet të ruhet dhe një Ministri e Brendshme plotësisht funksionale, e aftë të vazhdojë me forcë luftën kundër krimit të organizuar, është thelbësore për Shqipërinë në udhën e saj drejt anëtarësimit në BE.

Luigi Soreca

Raporti i radhës vlerësues për Shqipërinë nga Komisioni Europian për Këshillin do të publikohet në pranverë 2019.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali