Ambasadori i Bashkimit Europian në Tiranë, Luigi Soreca ka vlerësuar punën e madhe që po bëjnë bluzat e bardha në këtë situatë emergjente e infektimit me koronavirus. Soreca thekson se falë tyre, edhe pse nën një presion të madh, janë në sfidë të vazhdueshme për të mbrojtur jetën e qytetarëve.
“Mendimi ynë sot shkon për të gjithë profesionistët e kujdesit shëndetësor në Shqipëri, të cilët janë duke punuar gjatë gjithë kohës dhe nën një presion të madh për të na mbajtur të mbrojtur nga kjo pandemie koronavirus. Ne jemi shumë mirënjohës për angazhimin tuaj në këto periudha të vështira,” shkruan Soreca.
Numri u të prekurve në Shqipëri nga koronavirusi ka shkuar në 42, ndërsa buzat e bardha, mjekë e infermierë, janë ata që po përballen në vijën e parë të frontit të luftës me pandeminë e koronavirusit. Vlerësimi për to është shprehur dhe nga qytetarët ditën e djeshme duke i duartrokitur nëpër ballkonet dhe dritaret e tyre, ndërsa qeveria miratoi për një bonus prej 1 mijë euro përtej rrogës.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)