Ambasada gjermane thirrje Bashës e Kryemadhit: Protestat në rrugë nuk zëvendësojnë dialogun, dënoni dhunën

Ambasadorja e Gjermanisë në Tiranë Susanne Schütz i bën thirrje liderëve të opozitës të dënojnë maksimalisht aktet e dhunës të ushtruar në protestën e 11 Majit.  Ajo dënon sulmin ndaj ambasadorit të OSBE-së në Tiranë Bernd Borchardt dhe i kërkon palëve të tërhiqen nga protestat për t'u ulur në dialog në funksion të integrimit të vendit në BE.

"Demonstratat paqësore janë një e drejtë themelore e rëndësishme në demokraci. Shfaqje të dhunës, sikurse ishin ato që pamë në datën 11.05., janë tërësisht të papranueshme dhe të papajtueshme me këtë parim. Për këtë arsye ne dënojmë maksimalisht dhunën e çdo lloji. Veçanërisht na shqetëson fakti, që drejtuesi i Prezencës së OSBE në Shqipëri është kërcënuar. Ndaj u bëjmë thirrje udhëheqësve të opozitës Basha dhe Kryemadhi të dënojnë të gjitha format e dhunës ndaj njerëzve dhe institucioneve dhe t’i parandalojnë ato në mënyrë efektive. Si organizatorë ata mbajnë përgjegjësi për zhvillimin paqësor të demonstratave. Në të njëjtën kohë apelojmë forcat shqiptare të sigurisë të ushtrojnë detyrën e tyre në mënyrë konsekuente, me maturi dhe në proporcion me situatën.
Protestat në rrugë nuk zëvendësojnë dialogun e domosdoshëm politik! Ndaj u bëjmë thirrje të gjitha palëve, që në funksion të përafrimit të mëtejshëm të Shqipërisë me Bashkimin Evropian kundërshtitë në qëndrime t‘i zgjidhin në kuadër të një dialogu politik konstruktiv", thuhet në reagimin e ambasadës.

Lajmi kryesor:

Paralajmërimi/ Ambasada e SHBA: Basha e Kryemadhi të dënojnë dhunën! Uluni në dialog, zgjidhni krizën!

TAG:
• OSBE