Ambasada Amerikane protestuesve të opozitës: E paligjshme dhuna! Refuzojeni!

Jo akte dhune! Është ky mesazhi i fortë i ambasadës së SHBA për opozitën jo parlamentare një ditë përpara protestës së paralajmëruara para Kryeministrisë. Në mesazhin e saj, ambasada amerikane thekson se çdo akt dhune është  i paligjshëm. Për këtë arsye, ambasada u bën thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore.

"E drejta për t’u përfshirë në protesta paqësore është një e drejtë themelore demokratike. Përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet. Është e paligjshme dhe jo demokratike të kryesh akte dhune, përfshirë edhe shkatërrimin e pronës. Iu bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive", shkruan Ambasada në njoftimin e saj.

G.M.//Shqiptarja.com

TAG:
• SHBA
• protesta e opozites 11 maj