POP 5

Lajmet më të lexuara të 5 minutave të fundit

Kosova & Rajoni

Bota

Lajme nga emisionet

Ambiciet territoriale të Trump/ Krisafi: Janë synime serioze! Mund të rikërkojë shkëmbin territoresh mes Kosovës e Serbisë! Kamberi 'ç'kodon' mungesën e Zelenskyt në inaugurimin presidencial

Deklaratat e përsëritura të presidentit të zgjedhur Donald Trump për aneksimin e Kanadasë dhe blerjen e Groenlandës dhe Kanalit të Panamasë nga Shtetet e Bashkuara, kanë zënë në befasi diplomacitë e shumë vendeve dhe njëkohësisht ka ngjallur frikë se mos për arritjen e këtyre synimeve mund të përdoret ushtria amerikane, skenar i papërjashtuar edhe nga vetë republikani 78-vjeçar.

Deklaratat e përsëritura të presidentit të zgjedhur Donald Trump për aneksimin e Kanadasë dhe blerjen e Groenlandës dhe Kanalit të Panamasë nga Shtetet e Bashkuara, kanë zënë në befasi diplomacitë e shumë vendeve dhe njëkohësisht ka ngjallur frikë se mos për arritjen e këtyre synimeve mund të përdoret ushtria amerikane, skenar i papërjashtuar edhe nga vetë republikani 78-vjeçar.

Për të hedhur më sjhumë dritë lidhur më këto zhvillime, për luftën në Ukrainë dhe ndikimin e administratës së re amerikane në Ballkan, ishin të ftuar në "Studio Live" me Arbër Hitajn në Report Tv, eksperti për marëdhënie ndërkombëtare Ledion Krisafi dhe ekspert i çështjeve ndërkombëtare Geron Kamberi.

Për Krisafin, këmbngulja e Trump për përvetësimin e Groenlandës dhe Kanalit të Panamasë është serioze dhe presidenti republikan mund të bëjë çdo gjë për arritjen e qëllimit të tij.

“Unë nuk mendoj që Trump është duke bërë bllofin në këtë rast, duket që është goxha serioz dhe I vendosur në këto synime. Me përjashtim të Kanadasë është e pamundur të bëhet pjesë e SHBA-ve, dy nga territoret që janë Groenlanda dhe Kanali i Panamasë, mendoj që janë synime serioze të Donald Trump. Problemi është që nuk merren dot drejtpërdrejtë qoftë njëra qoftë tjetra dhe ka dy mënyra për t’I marrë: ose do t’I blesh, por as njëra as tjetra nuk është në shitje, ose do i marrësh me dhunë, do dërgosh ushtrinë.

Kanalin e Panamasë qeveria amerikane e ka pasur që nga viti 1903 dhe ka qenë presidenti që vdiq para disa ditësh, Jimmy Carter, i cili ia ka dhënë Panamasë duke qenë se kanali ishte në Panama dhe ishte një lloj mirëbesimi në atë rast që SHBA-të i dhanë kanalin Panamasë. Nuk është Donald Trumpi I pari që ka kritika dhe dëshiron ta rimarrë.

Është një kanal i ndërtuar nga SHBA-të, është një kanal shumë i rëndësishëm, ka një rëndësi të madhe gjeostrategjike, pasi lidh Atlantikun me Paqësorin, vetë fakti që Panamaja fiton shumë të konsiderueshme nga kanali. Rreziku tjetër ka qenë gjithmonë rritja e ndikimit kinez, në zona si Panamaja dhe zona të Amerikës Latine mund të ndodhë që kanali të bjerë në dorë të kinës dhe kjo do të ishte një humbje e madhe për SHBA-të”,-tha Krisafi.

Më tej, ai shpjegoi se si lindi tek Trump ideja për blerjen e Groenlandës dhe arsyen që qëndron pas këtij synimi.

“Ai ka pasur një ide për të marrë Groenlandën që kur ka qenë president për herë të parë. Thotë që dëshira i ka ardhur kur ka parë hartën dhe thotë që është tokë shumë e madhe dhe duhet ta marrë SHBA, pork am përshtypjen se lidhet me faktin që një pjesë e Groenlandës është duke u shkrirë nga akujt dhe sa më shumë shkruhet supozohet të ketë minerale shumë të mëdha poshtë tokës së Groenlandës”,-theksoi ai.

Sa i përket angazhimit të administratës së re amerikane në Ballkan, e veçanërisht për Kosovën, Krisafi nënvizoi se mandati i dytë i republikanit 78-vjeçar është i paparishikueshëm.

“Kjo krijon një precedent të rrezikshëm në të gjithë botën. Në radhë të parë është Vladimir Putin që është I kënaqur që po bën Donald Trump sepse heq çdo lloj justifikimi që mund të kishte kundër Vladimir Putin. Krijon një politikë të jashtme të papërgjegjshme dhe e njëjta gjë mund të ndodhë në Kosovë. Le të themi Donald Trump vendos nesër që trupat amerikane të KFOR-it të largohen nga Kosova”,-tha eskperti.

“Ideja e një shkëbimi të mundshëm territoresh do të rikthehet dhe mund të rikthehet me administratën Trump sepse Trump vetë dhe njerëzit që ka rreth e rrotull janë njerëz që u pëlqejnë zgjedhjet e shpejta. Është tunduese ideja që mund të zgjidhësh një konflikt aq të gjatë siç është ai mes shqiptarëve dhe serbëve duke bërë thjeshtë një shkëmbin territorial dhe duke e mbyllur njëherë e përgjithmonë si çështje”,-shtoi ai.

Nga ana tjetër, eskperti Kamberi zbërtheu mesazhin që përcjell mungesa e ditur e presidentit Volodymyr Zelenskyt, në inagurimin presidencial të republikanit Trump, më 20 janar

“Shpesh protokollet diplomatike janë pjesë e mesazheve diplomatike, qoftë kur ato ndodhin ose jo. Për sa I përket situatës në Ukrainë, zoti Trump ka një qasje komplet tjetër nga administrate e mëparshme. Tashmë ai e ka bërë haptazi të ditur qënddrimin e tij: që ka qenë kundër zhvillimit të kësaj lufte, kundër mbështetjes së Ukrainës për të rezistuar, ashtu siç ka përmendur edhe deklaratën e tij të njohur që unë mund ta pushoj luftën për një ditë, Zoti Trump është partizan i thjeshtësisë në politikë, atij I pëlqejnë gjërat e thjeshta, të gatshme të cilat shpesh nuk kalojnë nëpërmjet stërhollimeve të tryezave diplomatike”,-u shpreh Kamberi.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Të akuzuar në Belgjikë për trafik droge, SPAK kërkon konfiskimin e pasurive të 5 personave! Shumica apartamente tek Uji i Ftohtë në Vlorë e Tiranë (EMRAT)

Të akuzuar në Belgjikë për trafik droge, SPAK kërkon konfiskimin e pasurive të 5 personave! Shumica apartamente tek Uji i Ftohtë në Vlorë e Tiranë (EMRAT)

9 Janar, 10:48