‘Boll Plehra ka Shqipëria’, me këtë slogan Aleanca Kundër Importit të Mbetjeve ka kundërshtuar ashpër projektligjin e ‘Menaxhimit të Integruar të Mbetjeve’, i cili synon ti hapë rrugë importit të plehrave, pjesë e listës së Gjelbër të BE-së.
“Jemi kategorikisht kundër importit të plehrave”, thotë Andi Tepelena teksa rikujton protestat e bëra ndër vite për këtë çështje.
Aleanca paralajmëron protesta nëse qeveria miraton projektligjin që i hap rrugën ardhjes së mbetjeve në Shqipëri. Sipas tyre lejimi i importit do të kishte pasoja fatale për vendin, pasi kemi probleme të mëdha në menaxhimin e mbetjeve.
“Të mos e kalojë nismën në Kuvend dhe ta miratojë ligjin pasi do të ketë në mënyrë të pakundërshtueshme një reagim të fuqishëm për të ndaluar importin. Do të na ketë aty me protesta të mëdha”, është shprehur gjatë fjalës së tij ambjentalisti Lavdosh Ferruni.
Sipas ambjentalistit Ferruni, hapja e dyerve të Shqipërisë për importin e mbetjeve, paraqet rrezik të madh në kushtet kur vendi nuk po arrin të mirë-menaxhojë mbetjet që prodhon vetë.
“Importi i mbetjeve që është një ndotje e shtuar, në mënyrë marramendëse, pasi ka një presin të madh nga shtete të ndryshme për të eksportuar mbetjet e tyre në shtete si Shqipëri”, tha Ferruni.
Në takimin e hapur që aleanca ka zhvilluar për këtë çështje, mjeku radiolog Hektor Grazhdari është shprehur se djegia e mbetjeve nga industritë në vend shkakton lëndë toksike dhe rrezikon shëndetin e qytetarëve.
“Plastika kur digjet lëshon nxehtësi të madhe, por edhe lënde toksike dhe kancerogjene, që do të shpërndahen në ambientin tonë me tym, do të futen në ciklin e ujit, do t’i hamë me ushqime, do të kalojnë tek kafshët,” tha ai.
Kurse gazetari Gjergj Erebara, tha se synimi i ndryshimeve ligjore është të favorizimi i kompanive të çimentos.
“Synimi i vërtet i këtij ligji nuk është menaxhimi i mbetjeve, por lejimi i dy fabrikave të çimentove që të importojnë plastikë për ti djegur në furrat e tyre, pasi plastika është më e lirë se gazi, nafta apo solari që ata përdorin në proceset e tyre industriale”, tha gazetari.
Në projektligjin e hedhur për konsultim publik nga Ministria e Mjedisit, për Menaxhimin e Integruar të Mbetjeve, në nenin 73 thuhet se do të lejohet importi i mbetjeve nga jashtë, dhe lista e mbetjeve të lejuara për t’u futur në territorin shqiptar do propozohet nga ministria. Konsultimi Publik për këtë projektligj u hap më 20 gusht dhe është mbyllur këtë të martë 17 shtator.
Lejimin e importit të mbetjeve Report TV, e ka trajtuar ekskluzivisht në muajin maj, atë kohë nisën diskutimet me industrinë prodhuese për t'i hapur rrugë mbetjeve jo të rrezikshme, që do mund të përdoren si lëndë djegëse nga industria.
Në një përgjigje zyrtare për Report TV ministria ka sqaruar se mbetjet që do të lejohet të vijnë në vend janë pjesë e listës së Gjelbër, e që janë pjesë e legjislacionit të BE për fushën e mbetjeve.
Kategoritë e mbetjeve që janë pjesë Listës se Gjelbër të BE, që nuk konsiderohen të rrezikshme, janë mbetje kartoni, letre, alumini, hekuri, mbetjet plastike, mbetje plumbi, mbetje zinku, mbetje industriale apo mbetje mjekësore. Por ende nuk ka një listë konkrete të mbetjeve që do të lejohen për import, e cila do të mund të sqaronte edhe impaktin mjedisor, nëse do të kishte apo jo reduktim të ndotjes apo jo.
Lejimi i importit ka qenë kërkesë e industrisë prodhuese, pasi bëhet i mundur zëvendësimi i lëndëve që përdorin aktualisht si koksi i naftës dhe zhavorret bituminoze, me lëndë djegëse të përbëra nga mbetjet që në vend do të vijnë si produkt i kompostuar.
Një nismë e tillë është diskutuar edhe në vitin 2016, ku aso kohe deputeti i PS-së Eduard Shalsi, pati propozuar që të lejohet importi i mbetjeve, që bëjnë pjesë në ‘Listën e Gjelbër’, por që nuk u miratua. Importi i mbetjeve ka qenë i lejuar deri në vitin 2013, por që u ndalua menjëherë pas ardhjes në pushtet të socialistëve.
Komente
Lajme të tjera
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
Anija ‘Moliva’ me 2100 tonë mbetje, jepet leja për hyrje në Portin e Durrësit! Ja kur zbarkon dhe si do procedohet
7 Nëntor, 14:27 -
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Anglia ndalon shitjen e cigareve elektronike
25 Tetor, 15:50 -
Anijet me mbetje të dyshuara të rrezikshme mbërrijnë në Portin e Durrësit me 27 tetor! BAN thirrje qeverisë shqiptare: Beni analizat dhe transparencë
21 Tetor, 13:31 -
“Hallet e vjetra” bashkojnë të majtë e të djathtë, kryebashkiakët: Plehrat e ujëra të zeza ‘sfidë’ për turizmin
25 Shtator, 15:57
-
Shqipëria do lejojë importin e mbetjeve, Ministria për REPORT TV: Referencë, ‘Lista e Gjelbër’ e BE
21 Gusht, 15:59
-
Report Tv e paralajmëroi tre muaj më parë, qeveria i hap rrugën importit të mbetjeve jo të rrezikshme! Lista propozohet nga Ministria e Mjedisit
20 Gusht, 22:28 -
Saranda e bukur e lënë vetëm, me litarin e problemeve në qafë
30 Korrik, 15:43
-
Fusha e mbetjeve në Vlorë vijon prej 3 ditësh në flakë! Qyteti ende nën tymin toksik (VIDEO)
27 Korrik, 08:25 -
Vlorë/ Vijojnë flakët në fushën e mbetjeve, pamje me dron të tymit toksik që ka 'pushtuar' qytetin bregdetar! Dredha: Zjarri nga dora e njeriut
26 Korrik, 11:26
Epo cfare nuk bejne per pak vemendje. Nuk e kuptoni more te uruar qe sot riciklimi quhet urban mining, si mund te kete industri ricikluese vendase pa patur mundesi importi te mbetjeve te listes se gjelbert. Vazhdon injoranca si me mbetjet radioaktive qe shkuan ne danimark ne vend qe te merrnim nje 2 miliardsh euro ne si shtet me bo nja dy tre rruge. Gjithe shtetet e europes kerkojne me ngulm keto mbetje ose siq quhen ndryshe lende e pare dytesore. Kurse ne do vazhdojme te shesim sufllaqe per turista se industri kemi 0, biles edhe sufllaqet i importojme nga greku. Ju rujt zoti mend e kokes
PërgjigjuTe ngrihet i gjithe populli kunder se po shkaterrohet edhe ajo natyre qe i ka ngelur vendit,mendoni per femijet tuaj.
Përgjigju100 % dakord me ambientalistet! Nuk duhet pranuar asnje lloj plehre,pastaj kush tha qe plastika,plumbi,alumini,hekuri,mbetjet spitalore nuk jane te rrezikshme,BE?! Ne U.S /Johnson and Johnson eshte detyruar nga shteti te paguaj miliona dollare demshperblime neper gjyqe, se pudra e talkut qe shiste permbante elemente kancerogjene qe jane pjese e pandare ne natyre e mineralit te talkut,jo se u shtuan artificialisht dhe kompania e shiste produktin si te sigurte,si te /pa rrezikshem/ e pikerisht per kete u penalizua.A mund te thote BE vetem per plumbin,plastiken,pa folur per te tjerat, se na qenkan /te sigurta/?! Qeveritaret tane duan t'a kthejne vendin tone ne nje /Tajlande/ mbetjesh(po te kujtojme rastin e Kurumit)se jane te pangopur per fitime.BE kur i quan /te parrezikshme/ le t'i perdore ne ind.e saj,jo te na i lere neve ne dere,se na dalin e na teprojne tonat.Njerez ngrihuni ne protesta e ndalojeni kete monstruozitet!
PërgjigjuJu lutem te gjitheve ti mbeshtetim ambientalistet sepse do behet vendi kazan plerash toksike
Përgjigju