POP 5

Lajmet më të lexuara të 5 minutave të fundit

Shëndeti

Ambulanca e fshatit Prosek në kushte
të mjerueshme, rrezikohet personeli

Ambulanca e fshatit Prosek në Mirditë është në kushte të mjerueshme. Godina e kësaj ambulance rrezikon nga dita në ditë të shembet. Banorët e zonës ankohen edhe për mungesën e personelit.  Sipas tyre mjeku aty vjen shumë rrallë, pasi shërben edhe në një qendër tjetër.
VIDEO
Ambulanca e fshatit Prosek në Mirditë është në kushte mjaft të papërshtatshme.
 
Godina e saj është tepër e amortizuar dhe madje me çarje të shumta në mure, që përbën një rrezik serioz si për personelin ashtu edhe për pacientët.
 
Investime në këtë godinë janë kryer vetëm në tre dhoma që shërbejnë për të vizituar qytetarët, por edhe këto dhoma nuk mund të konsiderohen si një mjedis ku mund të kryhen vizita mjekësore.

Por godina është vetëm një nga problemet, pasi edhe stafi mjekësor është i përgjysmuar në këtë ambulancë.
 
Banorët ankohen se mjeku ka kohë që nuk shkon në këtë qendër, madje ata shprehen se janë rikthyer tek përdorimi i kurave popullore për të luftuar sëmundjet.

“Doktorri një herë vjen e një herë nuk vjen. Kur vjen shikon punët e veta. Godina është shpërbërë, u hoqën dritaret, dyert, gjithçka. Mua mos më raftë që të shpëtoj këtu, pasi këtu nuk shpëton. Nëse shpohemi me gozhdë, këtu s’kemi si të shpëtojmë” tha një banor.

Ndërkohë, një tjetër paciente thotë se, “Ne jemi në kushte shumë të vështira. Këtu vijmë për të bërë gjilpëra, por këtu nuk bëhet. Pesë veta paguhen këtu, e këtu nuk bëjmë dot asnjë gjë” tha ajo.

Por infermieria e kësaj qendre nuk e vlerëson dhe nuk mendon njëlloj si qytetarët.
 
Ajo mendon njësoj si qytetarët. Ajo shprehet se ilaçe ka në qendrën shëndetësore, por problem mbetet godina.

“Kjo si ndërtesë nuk është në gjendje të mirë. Furnizimin e kam të plotë. Mund të vini ta shihni. Pa furnizim nuk kam mbetur. Është e rrezikshme që edhe neve të na zërë poshtë ndërtesa” thotë infermierja.

Edhe pse rrjeti i ujësjellësit kalon vetëm pak metra larg, kjo qendër nuk ka ujë.
 
Duket se për ujësjellësin apo administruesit e kësaj ambulance, furnizimi me uji nuk është dukur i nevojshëm. 

ambulanca

ambulanca

ambulanca

Redaksia Online
(F.T/Shqiptarja.com)
 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49