POP 5

Lajmet më të lexuara të 5 minutave të fundit

Politikë

Anëtarët e PS e PBDNJ ikin nga
KQZ, debate për largimin e Muhos

Anëtarët e KQZ-së të propozuar nga PS dhe PBDNJ kanë lënë mbledhjen në shenjë proteste për votimin e PD-së pro largimit të kolegut të tyre Ilirjan Muho seancën e djeshme nga Komisioni i Ligjeve, por dhe seancës së sotme parlamentare ku pritet të votohet zëvendësimi i tij me emrin e propozuar nga PR.
TIRANË - Anëtarët e KQZ-së të propozuar nga PS dhe PBDNJ kanë lënë mbledhjen në shenjë proteste për votimin e PD-së pro largimit të kolegut të tyre Ilirjan Muho seancën e djeshme nga Komisioni i Ligjeve, por dhe seancës së sotme parlamentare ku pritet të votohet zëvendësimi i tij me emrin e propozuar nga PR.

Gjatë mbledhjes ka pasur debate mes anëtarëve të KQZ-së.

Zv.kryetari i KQZ-së Denar Biba e ka konsideruar “një ditë të zezë, ditën e djeshme dhe më të zezë akoma, të sotmen, zëvendësimin e komisionierit të LS-së në KQZ.” Ai theksoi se ajo cënon pavarësinë e institucionit që administron zgjedhjet.

"Kur marrim detyrën betohemi se do të jemi të pavarur dhe do të mbrojmë integritetin e KQZ-së. Ligji parashikon të jemi një institucion i pavarur dhe për t'u dhënë shqiptarëve besimin te shteti i së drejtës. Uroj të mos i kenë numrat që të mos e votojnë këtë kërkesë, që dhunon ndarjen e pushteteve", tha Biba.

Kryetarja e KQZ-së i ka thënë Bibës se ai mund të flasë për çfarë të dojë në mbledhjen e sotme, por fjalimi i tij është shumë politik dhe se kjo çështje nuk është pjesë e vendimmarrjes së KQZ-së, por e Kuvendit, ndërsa Biba është përgjigjur se “është me shpirt”.

Anëtarja e PS-së, Albana Shtylla ka ndërhyrë duke cituar Kodin për anëtarët e KQZ-së dhe ka akuzuar se komisionerët po trajtohen si kukulla lecke, që ndërrohen sa herë ka nevojë politika. "Këto që po ndodhin ndaj kolegut tonë janë në kundërshtim me atë që rekomandojnë instituconet e huaja |larg duart nga KQZ-së. Bëjeni pra, këtë me vepra."- tha Shtylla.

Anëtari Osmanaj u shpreh "Unë kam respekt për kolegun, por ju e politizuat çështjen. Është diçka tjetër puna që bën politika. Nuk cenohet organizimi i zgjedhjeve nga këto, por nga politizimet."

Pas debatit  anëtarët e propozuar nga opozita u larguan nga salla, dhe për shkak të mungesës së kuorumit kryetarja u detyrua të anullojë mbledhjen, duke njoftuar për thirrjen e saj ditën e hënë.

(arsh/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

VIDEO/ Si askush tjetër, Cristiano Ronaldo shënon gol për të 24-tin vit radhazi

VIDEO/ Si askush tjetër, Cristiano Ronaldo shënon gol për të 24-tin vit radhazi

10 Janar, 14:04