TIRANE- Partia Demokratike ka një rritje të ndjeshme në votat për këshilltarë në qarqet Elbasan dhe Shkodër, ndërsa ka një rënie me 3 mijë vota në qarkun e Lezhës. Krahasimi i shifrave të zgjedhjeve vendore të 8 majit 2011-të me ato të 23 qershorit 2015-ë, zbulon se në cilat degë PD ka probleme realisht.

Panorama më e zymtë e shifrave vjen nga Bashkia e Gramshit, aty ku rezultati i votave për këshillin në disa komuna, mbyllet me 12 apo 15 vota për PD-në. Rezultati më i keq ky i arritur në krahasim me zgjedhjet e kaluara. Shkodra është qarku që ka rritjen më të madhe të votave për Partinë Demokratike.