POP 5

Lajmet më të lexuara të 5 minutave të fundit

Arkiva

Analizë, Bashkimi i gadishullit Korean kushton të paktën 500 miliardë dollarë

SEUL – Bashkimi i dy Koreve do të kushtojë minimumi 500 miliardë dollarë duke pasur parasysh dallimin e konsiderueshëm të nivelit të jetesës së dy vendeve, vlerësoi regullatori financiar koreano jugor. Të paktën 20 vite janë të nevojshme për të rritur Prodhimin e Brendshëm Bruto (PBB) për banor të Koresë së Veriut.

SEUL - Bashkimi i dy Koreve do të kushtojë minimumi 500 miliardë dollarë duke pasur parasysh dallimin e konsiderueshëm të nivelit të jetesës së dy vendeve, vlerësoi regullatori financiar koreano jugor.

Të paktën 20 vite janë të nevojshme për të rritur Prodhimin e Brendshëm Bruto (PBB) për banor të Koresë së Veriut nga 1 251 dollarë që është aktualisht në 10 mijë dollarë, niveli i PBB-së për banor i Tunizisë apo Kubas, sipas presidentit të Komisionit të Shërbimeve Financiare (FSC), Shin Je-Yoon.

PBB-ja për banor e Koresë së Jugut ishte 26 mijë dollarë për banor në vitin 2013, sipas Bankës Botërore, dhe PBB-ja nominale është 40 herë ajo e Koresë së Veriut, sipas FSC-së, ndërkohë që mes Gjermanisë Perëndimore dhe asaj Lindore dallimi ishte vetëm 10 herë në momentin e ribashkimit në vitin 1990.

Financimi i ribashkimit korean do të garantohet nga institucionet financiare publike të Jugut, nga bankat tregtare, nga organizatat ndërkombëtare si Banka Botërore dhe taksat e nxjerra nga projektet për zhvillim në Veri, theksoi Shin Je Yoon gjatë një seminari të zhvilluar sot në Seul.

I mbrotjur nga autoritetet e të dy vendeve si një qëllim legjitim për t'u arritur, ribashkimi vazhdon të mbetet një prespektivë e largët.

Sipas një hetimi të publikuar këtë javë nga Ministria koreano jugore e Bashkimit, e ngarkuar me marrëdhëniet me Korenë e Veriut, tregoi se 70 për qind e koreano jugorëve mbështesin idenë e një gadishulli të bashkuar dhe vetëm 50 për qind janë gati të bëjnë sakrifica financiare.

Dy Koretë i kanë armët të drejtuara nga njëra tjetra që prej përfundimit të luftës (1950-53) dhe Koreja e Veriut, shumë e izoluar nga skena diplomatike, vazhdon zhvillimin e teknologjisë së saj bërthamore pavarësisht sanksioneve vendosura nga Këshilli i sigurimit në OKB./ATSH/

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku