Anëtarët e KQZ-së pa legjitimitet, Presidenca nuk merr masa
PRISHTINË, 1 Nëntor/ATSH/.- Kosova është pa Komision Qendror të Zgjedhjeve, pasi legjitimitet aktualisht ka vetëm kryetarja e KQZ-së, Valdete Daka, e cila është emëruar nga Presidentja, bëri të ditur KosovaPress. Kështu është shprehur anëtari i subjektit politik Nisma për Kosovë, Bilall Sherifi, partia e të cilit për herë të parë është bërë pjesë e Parlamentit […]
Kosova është pa Komision Qendror të Zgjedhjeve, pasi legjitimitet aktualisht ka vetëm kryetarja e KQZ-së, Valdete Daka, e cila është emëruar nga Presidentja, bëri të ditur KosovaPress.
Kështu është shprehur anëtari i subjektit politik Nisma për Kosovë, Bilall Sherifi, partia e të cilit për herë të parë është bërë pjesë e Parlamentit të Kosovës.
Ndërkaq, ende në KQZ, figurojnë emrat e anëtarëve të subjekteve politike të cilat nuk janë më pjesë e këtij legjislativi.
Sherifi e ka kritikuar Presidenten e vendit, e cila nuk po e zgjidh këtë çështje.
Ai ka thënë se KQZ-ja është një organ, që sipas Kushtetutës dhe Ligjit për zgjedhje, organizon zgjedhjet në vend dhe pas çdo katër viteve, rikonfirmohet përbërja e saj.
"Përbërja e KQZ-së zakonisht caktohet brenda 60 ditëve nga certifikimi i zgjedhjeve. Presidentja në bazë të rezultateve që i merr nga KQZ-ja, është e detyruar bazuar në nenin 129 të Kushtetutës ", ka thënë ai.
Emërimi i anëtarëve të KQZ-së, siç ka thënë Bilalli duhej të ishte bërë dhe Presidentja duhet të veprojë që të kërkojë nga partitë politike për zgjedhjen e anëtarëve.
Më tej, Bilalli ka thënë se nëse brenda 21 ditëve nga dita kur presidentja ua dërgon kërkesën partive politike për të emëruar anëtarin e vet në KQZ, kjo nuk bëhet, atëherë ligji e thotë shumë qartë se kalon në dorën e presidentes që të emërojë këdo në vend të asaj partie që nuk e ka dërguar emrin.
Ndërkohë, Daka ka thënë për KosovaPress se KQZ-ja nuk ka kompetenca t'i shqyrtojë mandatet e anëtarëve të KQZ-së.
"KQZ-ja nuk ka kompetenca t'i shqyrtojë mandatet e anëtarëve të saj.Është zyra ligjore e presidencës e cila merret me mandatet e anëtarëve të KQZ-së, me përbërjen e KQZ-së dhe të gjitha kompetencat e autorizimit janë atje", ka thënë ajo.
Daka nuk ka dashur të komentojë më shumë këtë çështje, sepse siç ka thënë ajo, i takon Presidentes.
Nga ana tjetër, KosovaPress-i ka tentuar të marrë vesh se çfarë do të bëjë Presidentja e vendit në lidhje me emërimin e anëtarëve të KQZ-së.
Mirëpo, këta të fundit nuk kanë dhënë shumë detaje për planet e Presidentes në lidhje me këtë.
Këshilltari i Presidentes së Kosovës, Arbër Vllahiu, ka treguar shkurt përmes postës elektronike se Presidentja vepron gjithnjë në përputhje me Kushtetutën dhe ligjet e Republikës së Kosovës, duke shtuar se mandati i Komisionit Zgjedhor të Kosovës, është një çështje e ndërlidhur me konstituimin e institucioneve të Kosovës.
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19%
-
Ndoshta
11.9%
Vota total: 2423
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29