Një stërvitje në masë, ku përfshihen qindra persona, ku edhe ministritë, parashikohet të organizohet sot në Britnai të Madhe, për të testuar aftësitë e vendit për t'u përballur me shfaqjen e rasteve të Ebolas në territorin e saj.

Personeli i spitaleve që mbajnë uniforma mbrojtëse dhe shërbimet e ambulancave do të marrin pjesë në këtë ushtrim, që parashikohet të zgjasë tetë orë dhe gjatë së cilës disa aktorë do të stimulojnë simptomat e kësaj epidemie, për të testuar aftësitë reaguese të shërbimeve të urgjencës.

Gjatë kësaj kohe, një mbldhje ndërministrore krize do të zhvillohet, nën drejtimin e ministrit të Shëndetësisë, Jeremy Hunt.

"Publiku duhet të garantohet se kemi planifikuar një përgjigje ndaj shfaqjes së një rasti me Ebola në Britni të Madhe që prej disa muajsh", shpjegoi një zëdhënës i Ministrisë së Shëndetësisë, duke shtuar se është jetësore të testohen këto plane në situatën më realiste që është e mundur.

ATSH