POP 5

Lajmet më të lexuara të 5 minutave të fundit

Kosova & Rajoni

Anketa e PNUD, Kosova shfaq
shenja të krizës ekonomike 

Pakënaqesia e qytetarëve kosovarë sa i takon orientimit ekonomik ka ardhur në rritje kohët e fundit. Kjo tregohet edhe nga rezultatet e anketës së fundit të publikuar nga Programi për Zhvillim i Kombeve të Bashkuara në Prishtinë (PNUD), i quajtur Pulsi Publik
PRISHTINE- Pakënaqesia e qytetarëve kosovarë sa i takon orientimit ekonomik ka ardhur në rritje kohët e fundit. Kjo tregohet edhe nga rezultatet e anketës së fundit të publikuar nga Programi për Zhvillim i Kombeve të Bashkuara në Prishtinë (PNUD), i quajtur Pulsi Publik.

Sipas kësaj ankete të realizuar në fund të muajit mars dhe në fillim të muajit prill, rezulton se 74 për qind e të anketuarve janë të pakënaqur me drejtimin aktual ekonomik, ndërsa vetëm 6 për qind janë të kënaqur ose shumë të kënaqur.

Situatën e vështirë ekonomike të Kosovës e pranojnë edhe ekspertë të çështjeve ekonomike. Sipas tyre, në shumicën e vendeve europiane vihet re rënie e aktiviteteve ekonomike.

Mejdi Bektashi, profesor në Universitetin e Prishtinës, vlerëson se edhe në Kosovë gjatë këtij viti është vënë re një thellim i krizës ekonomike dhe financiare, që sipas tij, “është rezultat i mungesës së investimeve të huaja dhe nivelit të lartë të importit dhe shkallës së ulët të eksportit”.

“Shqetësimet për ecurinë e aktiviteteve ekonomike, nuk janë vetëm për Kosovën, por ka edhe në rajon dhe Europë”, thotë edhe eksperti tjetër i Ekonomisë, Naim Gashi.

Ai thotë se “në këtë kohë, në shumë vende të Europës, ka rënie ekonomike, shkurtim të vendeve të punës, probleme këto nga të cilat, nuk mund të anashkalohet as Republika e Kosovës.

Në anketën e PNUD-it, përgjegjësinë për gjendjen aktuale ekonomike në vend, qytetarët ia atribuojnë Qeverisë së Kosovës.

Por, Naim Gashi thotë se përveç autoriteteve qeveritare, përgjegjës është edhe komuniteti i biznesit.

“Përveç problemeve ekonomike, prania e korrupsionit, papunësia dhe pasiguria janë çështje që i brengosin kosovarët”, thuhet në anketën e PNUD-it.

Anketa është zhvilluar me 1290 qytetarë të Kosovës, të të dyja gjinive dhe në të gjitha komunat e Kosovës. Mostra ka përfshirë 832 shqiptarë, 230 serbë dhe 228 pjesëtarë të komuniteteve tjera që jetojnë në Kosovë.

Marrë nga "Radio Evropa e Lirë"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Berat/ Makina bllokohet në mes të dëborës në malin e Tomorit, Policia i vjen në ndihmë familjes, mes të shpëtuarve edhe 2 fëmijë (VIDEO)

Berat/ Makina bllokohet në mes të dëborës në malin e Tomorit, Policia i vjen në ndihmë familjes, mes të shpëtuarve edhe 2 fëmijë (VIDEO)

12 Janar, 20:10