Një tjetër gjykatë rrëzon Berishën, Kolegji Zgjedhor ‘e përjashton’ përfundimisht nga zgjedhjet! Lë në fuqi vendimin e regjistrimit të PD me Alibeajn

Një tjetër gjykatë rrëzon Berishën, Kolegji Zgjedhor ‘e përjashton’ përfundimisht nga zgjedhjet! Lë në fuqi vendimin e regjistrimit të PD me Alibeajn

Seanca në Kolegj Zgjedhor

Kolegji Zgjedhor ka shuar përfundimisht shpresën e Sali Berishës për t’u regjistruar në zgjedhjet lokale të 14 majit me logon e Partisë Demokratikesi kryetar i kësaj force politike. Vendimi u mor gjatë seancës së sotme të kolegjit që përfundoi rreth orës 17:00.

Përfaqësuesi i Rithemelimit, Ledio Nuraj ka kërkuar pranimin e kërkesë padisë së Berishës, ndërsa përfaqësuesi i PD-së zyrtare, Indrit Sefa tha se nuk mund të bëhet pranimi i një kërkese të tillë pasi është ilegjitime.

Vendimi i marrë nga Kolegji Zgjedhor ditën e sotme nuk mund të ankimohet.

Më herët Komisioni i Ankimimeve dhe Sanksioneve ka rrëzuar 2 herë Sali Berishën. Fillimisht duke mos pranuar apelimin që Berisha bëri ndaj vendimit të KQZ për ta mos regjistruar si kryetar të PD-së në zgjedhjet lokale. Vendimi i dytë për rrëzimin e Berishës u mor në 23 mars, kur KAS rrëzoi kërkesën e Berishës për të mos pranuar regjistrimin e PD-së me Alibeajn si kryetar.

Me rrëzimin përfundimtar të kërkesave të Berishës, tashmë Alibeaj do jetë i qetë për të përfaqësuar PD-në zyrtare me emrin e tij në fletën e votimit duke qenë se ditën e sotme është afati i fundit për dorëzimin e listave me kandidatë për këshilltarë bashkiakë dhe kandidatë për kryetarë të bashkive. 

Në 16 mars, Komisioni i Ankimimeve dhe Sanksioneve vendosi regjistrimin e Partisë Demokratike në zgjedhje lokale me Enkelejd Alibeajn si kryetar, ndërsa u vendos gjithashtu që deklarata e solemne, të dorëzohet nga ky i fundit si kryetar i komanduar.

Në këtë mënyrë Berisha mbetet pa parti për zgjedhjet e 14 majit, duke i lënë si mundësi të vetme për regjistrimin e kandidatëve të tij, koalicionin me Metën, ku parti kryesore e koalicionit do të jetë Partia e Lirisë. Më pas PBDNJ dhe LDK. 

Ditën e sotme, PD ka zyrtarizuar 16 emra për të garuar në 16 bashki të vendit, ndërkohë që ka bërë me dije vendimin e marrë se në Durrës, Elbasan dhe Tiranë nuk do të nxjerrin kandidatë për kryetarë bashkie duke i lënë ‘rrugën e hapur’ garës të kandidatëve të  'Rithemelimit' Luçiano Boçi, Bardh Spahia dhe Igli Cara në përballjet e tyre me kandidatët socialistë Gentjan Llatja, Benet Beci dhe Emirjana Sako. 

 

Rendit zhvillimet sipas orarit:
Ora 17:07
Zgjedhjet e 14 majit, Berisha rrëzohet përfundimisht edhe me vendim të Kolegjit Zgjedhor

1679921563_Screenshot3.jpg

Kolegji Zgjedhor ka rrëzuar përfundimisht kërkesën e Sali Berishës për t’u regjistruar si kryetar i Partisë Demokratike në zgjedhjet lokale të 14 majit,

Më herët kërkesa u rrëzua nga Komisioni i Ankimimeve dhe Sanksioneve. Ndërsa Komisioni Qëndror i Zgjedhjeve, ka njohur Enkelejd Alibeajn si kryetar të komanduar të Partisë Demokratike.

Ora 15:22
Kërkojnë që Kolegji të njohë Berishën kryetar të PD, gafa e përfaqësuesit të Rithemelimit, nuk di datën kur ish-kryeministri u zgjodh në krye të 'Foltores'

 

Teksa kërkon që Kolegji Zgjedhor të njohë Berishën si kryetar të Partisë Demokratike, përfaqësuesi i Rithemelimit, Ledio Nuraj ka bërë një gafë teksa gjatë fjalës së tij e ka cilësuar Sali Berishën të zgjedhur si kryetar në datë 18 janar.

Ndërkohë që në të vërtetë Berisha u zgjodh në krye të Rithemelimit në datë 22 maj pas zgjedhjeve të mbajtura.

K.T./B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 27/03/2023 20:40

    Gjykata të krimit të organizuar, Shqipëria sot ështé turpi i turpit në mes të Europës sepse këtu zbatohet ligget serboruse në pritur se Putini do i del fitues në Ukrain . Ky ështé Edvin shkjau shqipfolës Maga kriminel ordiner

    Përgjigju
  • Sondazhi i ditës:

    Arrestimi i zyrtares së Shëndetësisë, a po e lufton SPAK korrupsionin?



×

Lajmi i fundit

Koleksioni 'Vasil Koçi',  833 fotografi me imazhe të artistëve dhe veprave të realizmit socialist

Koleksioni 'Vasil Koçi',  833 fotografi me imazhe të artistëve dhe veprave të realizmit socialist