Presidenti i Republikës, Ilir Meta bën thirrje për qetësi dhe uron një javë të mbarë për shqiptarët pas ankthit që përjetuan nga tërmeti.

Në një status në rrjetet sociale, kreu i shtetit shkruan "Mirëmëngjes të dashur miq. Me rëndësi është t'i kthehemi jetës së përditshme dhe qetësisë në familjet tona! Ju uroj një javë të mbarë" shkruan ai.

Mbrëmjen e djeshme portali Syri.net publikoi një fake news duke përhapur panik për një tërmet në 23.30 me një fuqi 6 ballë, pra me i fortë se ai i te shtunës. Lajmi u përhap në të gjithë mediat sociale duke nxjerrë njerëzit të alarmuar në rrugë.

Portali pranë Berishës dhe Metës e hoqi më pas lajmin, ndërsa solli reagimin e fortë dhe të menjëhershëm të strukturave shtetërore, që e cilësuan si përgjegjësi penale! Dy gazetarët që përhapën lajmin e rremë se në orën 23:30 do të bjerë një tërmet të fuqishëm, janë shoqëruar në polici.

Mësohet se uniformat blu kanë shoqëruar në Komisariat gazetarin e "Syri.Net" Aurel Rakipllari dhe gazetaren Daniela Grica e "Shekullit".