Anti-amerikanë jo vetëm me fjalë

Është e papërshkrueshmë, e pa matshme por shumë domethënëse marrëzia e peticionit online kundër Ambasadores Yuri Kim. Në analizën “Çfarë kërkon Sali Berisha?!” botuar fillimisht në median ditore Shqiptarja.com në datën 17 Shtator 2021 shkruajta: “Të gjithë ndjekësit….sot janë thirrur të brohorasin rreth Saliut dhe kjo është më e pakta…

Atyre do t’iu kërkohet të rrjeshtohen në falanga mbështetëse që të dalin në rrugë,… të shajnë e të mallkojnë … mllefin më të madh e kanë ndaj SHBA, mllef që nuk do t’iu dalë kurrë as bashkë me shpirtin.”. Dy muaj më vonë në analizën “Shënjestra e firmëtarëve të Foltores është goditja e SHBA”, po në Shqiptarja.com datë 16 Nëntor 2021, paralajmërova: “… në PD janë konfiguruar dy palë. Ka një Palë Antiamerikane, ….që lufton…të shporret SHBA nga territori i Shqipërisë,…

Rrethi i ngushtë i ish kryeministrit ka mashtruar jo pak anëtarë të PD…. Nuk duhet lejuar që këta të gënjyer të dalin në sheshe ku veç bombave molotov do të grisen e digjen flamuj të SHBA dhe NATO. Sepse të betuarit antiamerikanë do ta shpien lëvizjen “paqësore” deri në këtë pikë”. Duket se ngjarjet janë përshkallëzuar dhe situata po precipiton me shpejtësi.

Mjerisht dhe për turp ka afruar dita kur do të shohim demonstrimet Anti SHBA dhe Anti NATO. Firmosja e Peticionit online është preludi i një ngjarjeje të shëntuar që, si një re e zëzë, ka herë është shfaqur në horizontin gjeopolitik të Shqipërisë. 

Zhvillimet në Rajonin e Ballkanit dhe lufta në Ukrainë për një kategori të caktuar njerzish dhe etnish kanë gjeneruar mllef antiamerikan dhe antiperëndimor. Kjo po ndodh edhe në Shqipëri ku me sa duket nuk mungojnë kategori të tilla që ndër vite janë grupuar në forma dhe për interesa të ndryshme por që n thelb jan antiamerikan.

Më një taktikë për të ardhur keq fillimisht kërkojnë kokën e ambasadores amerikane në Tiranë. Ngjan si lodër naivësh por nuk është kështu! Është lëvizja e radhës e një plani të studiuar nga njohës të thellë të taktikave të luftës së ftohtë. Ky peticion fokuson objektivin e goditjes: Prezenca e SHBA dhe NATO në Shqipëri. Sipas artit të luftimit qëllohet mbi pikën më të dukshme, në hallkën më të dobët të objektivit. Dërgohet një sinjal i koduar.

Kërkohet që SHBA të ulet në tavolinë me kushtet e Palës Anti. Nëse jo, do të vijë vala e dytë e goditjeve: do të kalohet nga njeriu përfaqësues tek institucioni. Nxitojnë, duket se koha nuk iu mjafton dhe punon kundër interesit të tyre. Nënshkruesit e peticionit do të lëshojnë maskën e anonimatit. 

Ata do të shfaqen mes një grushti njerëzish, disa të gënjyer e disa të paguar, do të nxisin dhunë dhe do të hiqen sikur frenojnë veprimet e dhunshme; një sjellje e turpshme dhe e vjetër e tyre. Edhe dita e fundit të betejës disa vjeçare po afron. Le të bëjnë të tyren, në fund mllefin do ta shkarkojnë ndaj vetvehtes. Pas 30 Prillit do të “luajnë vallen” nën melodinë: Është dita e kiametit. O gomari o izoti!

SI.E./Shqiptarja.com

TAG:
• pajtim bello
• Berisha ne listen e zeze te SHBA
• Yuri Kim
• sali berisha