Miratimi i projektrezolutës “Për thellimin e reformave për mirëqeverisjen, sundimin e ligjit dhe anti-korrupsionin për Shqipërinë 2030 në Bashkimin Europian” nga Kuvendi është përshëndetur nga avokati Kujtim Cakrani.
Ky i fundit i ftuar në “Studio Live” në Report Tv me gazetarin Arbër Hitaj tha se edhe SPAK duhet të japë llogari diku ndërsa si shembull solli një komision anti-mafia në Itali.
“Edhe Italia ka një komision parlamentar anti mafia. Kontrollon të gjithë punën e prokurorëve të anti mafias. Madje është ky komision që jep ok për të vajtur për të spostuar apo vendosur prokurorë nëpër prokuroritë e Italisë, për anti mafian flas.Nuk ka drejtësi të pavarur në botë. Drejtësia jep llogari diku. Ata në kuvend janë njerëz të zgjedhur nga populli, na pëlqen apo nuk na pëlqen ne”.
I të njëjtit mendim ishte edhe ish kreu i PD Kukës Ibsen Elezi por nga ana tjetër shtoi se kjo rezolutë sipas tij duket se ka synime të fshehura.
“Ne nuk jemi në kushte normale të funksionimit të një shteti demokratik. Në momentin që drejtues të lartë të politikës nuk kanë respekt për votën. Por SPAK duhet të japë llogari për veprimtarinë e vetë. Në rastin konkret kjo rezolutë anti-korrupsion është diçka tjetër. Kur flasin për një rezolutë duhet ta bëjnë pjesë të konsultës me opinionin publik. Kjo rezolutë duket se ka prapa synime, ose synime të fshehura. Pse i bëjnë rezoluta ose ndryshime të akteve ligjore në mënyra të fshehta, poshtë tavolinës, pse nuk i bëjnë debate publike. Duhet të dëgjojnë dhe oponencën”, tha Elezi.
Gazment Bardhi iu bashkua Rithemelimit për t’i marrë partinë Sali Berishës, deklaroi në “Studio Live” në Report Tv avokati Kujtim Cakrani. Në një intervistë me gazetarin Arbër Hitaj, avokati u shpreh më tej se bashkimi i Bardhit me Rithemelimin ndodhi pas takimeve në SHBA.
“Bardhi pasi u takua me Gabriel Escobar është bashkuar me Rithemelimin. Bardhi është futur aty për t'i marrë partinë Berishës por jo se e do Berishën. Do të faktorizohet aty, përfiton dhe nga rasti që Berisha është në arrest shtëpie. Fakti që Noka dhe ai po e ndajnë pushtetin brenda selisë ku janë dhe natyrisht dalin bashkë nëpër takime në elektorat tregon se Bardhi do të jetë faktor në zgjedhjet e ardhshme”, shtoi Cakrani.
Ndalur te emrat që mund të marrin drejtimin e Rithemelimit, Elezi përjashtoi si Argita Berishën edhe Gazment Bardhin. Këtë të fundit e quajti një njeri pa shtyllë kurrizore.
“Bardhi është njeri pa shtyllë kurrizore. Si Bardhi janë shumë të tjerë aty. Jane persona të përfshirë në vjedhjen e votës. Në bashkëpunim me Berishën, Argita ka qenë influencuese për përzgjedhjen e emrave. Ka qenë influencuese që në rastin e zotit Basha. Forma të tilla katapultomi nuk janë demokratike. Bardhi manipuloi hapur një kuvend”.
Me 9 vota Këshilli i Lartë i Prokurorisë vendosi sot të ndërpresë mandatin e Alfred Ballës, i cili ishte dhe Kryetar i qeverisë së Prokurorëve (KLP).
Avokati Kujtim Cakrani i ftuar në “Studio Live” në Report Tv me Arbër Hitajn tha se KLP u mblodh në mënyrë të paligjshme,
“Institucionet e reja të drejtësisë në kaos. U mblodhën në mënyrë të paligjshme për shkarkimin e zotit Balla. Nuk funksionokan as institucionet e reja të drejtësisë”, tha Cakrani.
Edhe sipas Ibsen Elezit nuk u respektuan rregullat në këtë vendim.
“Nuk u respektuan rregullat... Sa i përket SPAK, në këtë moment është një institucion i ri i krijuar. Ka përballë një objekt shumë të zgjeruar. SPAK ka arritur të marrë një mbështetje në opinion publik. Objekti i SPAK është shumë i madh dhe i rëndë që duhet ta godasë dhe ta vërë në lëvizje.”
Komente
Lajme të tjera
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Fatmir Xhafaj: Siç vepruan me reformën në drejtësi thellojmë reformat për mirëqeverisjen, antikorrupsionin dhe sundimin e ligjit
18 Nëntor, 22:42 -
Ulja e numrit të firmëtarëve për nismat ligjore qytetare, shtimi i komisioneve, filtrat për parandalimin e korrupsionit legjislativ dhe kontrolli i lobimeve, propozime të tjera të ekspertëve te ‘Antikorrupsioni’
13 Nëntor, 20:01 -
Procesi i rregullt ligjor, stoku i dosjeve nëpër gjykata, mosekzekutimi i vendimeve dhe afatet e tejzgjatura, çfarë propozojnë ekspertët e Komisionit 'Antikorrupsion'
12 Nëntor, 18:24 -
Komisioni antikorrupsion/ Kreu i KQZ-së: Problem, financimi i partive! Ndryshuat Kodin por latë pa zgjidhur financimin
12 Nëntor, 18:19 -
Sulmet e Berishës dhe Metës ndaj SPAK, Elezi në Report Tv: Kanë sjellje agresive sepse do përfundojnë në burg! Gazetari: Ardhja në pushtet e Trump s’ndryshon asgjë për ‘non gratën’
11 Nëntor, 19:29 -
Komisioni i posaçëm antikorrupsion, Xhafaj në Report Tv: Do ta ndërpresim para zgjedhjeve, të mos jetë pjesë e debatit elektoral! SPAK nuk na refuzoi, mbështes punën e tyre
8 Nëntor, 18:13 -
Rama në Selanik/ Elezi: E përdor nacionalizmin si mjet për votën e diasporës! Bala: Oksigjeni i Greqisë për pretendimet në Shqipëri është opozita
5 Nëntor, 17:24 -
Vrasja e Ardian Nikulajt, Gjykata e Lezhës lë në qeli portugezin Ruben Saraiva! Avokati: Të zbardhen mesazhet në Encrochat (VIDEO)
1 Nëntor, 10:45 -
Beleri pritet me vezë e kos, Dhuli: U takua me Ramën! Elezi: Ai që e qëlloi, intelektuali më i madh i Tiranës! Meçe: Provokim i shtetit grek
29 Tetor, 22:15 -
Bllokimi i rrugëve nga opozita, Skerdjan Dhuli: Protesta e radhës në orar zyrtar! Meçe: Në finale u torturuan një masë e madhe qytetarësh në trafik
29 Tetor, 21:48 -
Komisioni Antikorrupsion miraton 3 vendime: Konsultime publike, ndryshon përbërja e grupit të ekspertëve të nivelit të lartë
29 Tetor, 12:53
SPAK duhet te jape llogari para organeve ligjzbatuese: ne Gjykaten e Larte dhe tek Presidenti i Republikes.
Përgjigju