Sekretari Amerikan i Shtetit, Antony Blinken do të udhëtojë drejt Tiranës të enjten e 15 shkurtit. Ndërsa zbritja në aerportin "Nënë Tereza" pritet të jetë në orën 11:00 të paradites, ndalesa 8 orë në tokën shqiptare do të shoqërohet me një axhendë të ngjeshur takimesh.
Ish ambasadorja e SHBA-së, Yuri Kim zbardhi detaje nga vizita e rëndësishme e Sekretarit Amerikan të Shtetit Antony Blinken i cili shpalli non grata ish-kryeministrin Sali Berisha në maj 2021.
Gjatë një konference telefonike me gazetarë shqiptarë dhe gjermanë, mbrëmjen e sotme (me orën shqiptare), zonja Yuri Kim e cila aktualisht mban postin e Zëvendës ndihmës sekretarja e Shtetit për Çështjet e Evropës dhe Euroazisë në Departamentin Amerikan të Shtetit zbuloi se ku do të përqëndrohet biseda.
"Në Shqipëri do të jemi rreth orës 11:00 deri rreth orës 19:00 ose 20:00 të mbrëmjes. Dhe kjo është me të vërtetë një ndalesë që do të fokusohet tek e ardhmja, e Shqipërisë, e ardhmja e Ballkanit Perëndimor' u shpreh zonja Kim.
Vizita vjen si një moment celebrimi për 100 vjetorin e marrëdhënie diplomatike SHBA-Shqipëri. Kim, e cila ndodhej në konferencë së bashku me Ndihmës Sekretarin e Shtetit, James O’Brien zbuloi dhe mesazhin e rëndësishëm që përcillet përmes kësaj vizite
‘Ne duam të theksojmë dhe nënvizojmë bashkëpunimin e fortë që kemi me Shqipërinë. Për të shprehur falenderime kryeministrit Rama dhe Shqipërisë për rolin në Këshillin e Sigurimit gjatë vitit 2023. Për pritjen e afganëve që dëshmoi edhe një herë traditën e tyte historike të mikpritjes”
Kë do të takojë?
"Do takohemi me presidentin Bajram Begaj dhe një takim bilateral me kryeministrin Edi Rama' u shpreh diplomatja Yuri Kim.
Sekretari Amerikan i Shtetit do të jetë present dhe në një takim me gati 100 të rinj pjesë e programeve që SHBA aplikon në Shqipëri që do të mbahet tek Piramida.
Pjesë e axhendës së ndalesës së Sekretarit amerikan është folur në media, se është parashikuar dhe një takim me kreun e SPAK Altin Dumani. Kjo është vizita e parë sekretarit Blinken në Shqipëri, pas së cilës do të udhëtojë për në Gjermani ku do të marrë pjesë në Konferencën e Sigurisë të Mynihut.
Nga ana e tij zoti O’Brien në komentet e tij, tha se në Konferencën e Mynihut, ku do të mbajë një fjalim kryesor Nënpresidentja Kamala Harris, Sekretari i Shtetit, Blinken do ta vënë theksin tek mbështetja për Ukrainën tek konflikti në Lindjen e Mesme dhe tensionet në Ngushticën e Tajvanit.
Raportoi gazetarja e Report Tv dhe shqiptarja.com Raziela Myslimaj.
Lajme të tjera
-
Blinken udhëtim në Lindjen e Mesme, ndërsa Siria është në udhëkryq pas përmbysjes së Assadit
12 Dhjetor, 08:20 -
Mero Baze: Nderimi për Dumanin, si ridënim për Berishën
11 Dhjetor, 07:13
-
DASH e shpalli kampion kundër korrupsionit, ish-ambasadorja Kim takon dhe uron Dumanin! Uashingtoni: Rikonfirmim i mbështetjes ndaj Shqipërisë
10 Dhjetor, 16:39 -
DASH nderoi Altin Dumanin si kampion kundër korrupsionit, Ambasada amerikane: Frymëzim për ata që besojnë në fuqinë e të vërtetës! SHBA do vijojë të punojë me SPAK
10 Dhjetor, 07:38 -
Sekretari Blinken nderon sot 10 kampionë kundër Korrupsionit nga e gjithë bota
9 Dhjetor, 15:40 -
SHBA-ja njofton ndihmë të re ushtarake për Kievin prej 725 milionë dollarë
3 Dhjetor, 08:35 -
Edison Ypi: Bar gastronomik
27 Nëntor, 15:45
-
Blinken: NATO kritike për mbrojtjen e SHBA-së dhe Evropës
13 Nëntor, 16:26 -
Spahiu: Suksesi i Trump në Shqipëri në mandatin e parë, ishte krijimi i SPAK dhe dekretimi ambasadores Yuri Kim
9 Nëntor, 17:51 -
Zbulohet e-maili i Blinken për stafin e DASH pas fitores së Trump
9 Nëntor, 15:03 -
Sekretari amerikan i Shtetit: Deri në fund të mandatit do ‘luftoj’ për t’i dhënë fund luftërave në Lindjen e Mesme
7 Nëntor, 21:18 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20
