POP 5

Lajmet më të lexuara të 5 minutave të fundit

Politikë

Anulimi i PPP për aksin Thumanë-Kashar, Vokshi: Rama u tall me studentët, fondet për 'Paktin' nuk parashikohen në buxhet

Deklaratës së ministres së Infrastrukturës dhe Energjisë, Belinda Ballukue se fondi 225 milionë euro i parashikuar për projektin  do të vendoset në funksion të universiteteve të vendi, Vokshi iu përgjigj se kryeministri Edi Rama u tall me studentët.

Anulimi i PPP për aksin Thumanë-Kashar, Vokshi: Rama u tall me studentët, fondet për 'Paktin' nuk parashikohen në buxhet

Deputetja e PD-së, Albana Vokshi

TIRANË- Deputetja e PD-së, Albana Vokashi me anë të një deklarate për shtyp ka reaguar lidhur me anulimin e PPP-së për ndërtimin e aksit rrugor Thumanë-Kashar. (SHIKO KËTU)

Deklaratës së ministres së Infrastrukturës dhe Energjisë, Belinda Ballukue se fondi 225 milionë euro i parashikuar për projektin  do të vendoset në funksion të universiteteve të vendi, Vokshi iu përgjigj se kryeministri Edi Rama u tall me studentët.

"Kryeministri i ka gënjyer studentët, sepse për Thumanë - Kashar këtë vit në buxhetin e shtetit nuk është parashikuar asnjë qindarkë,"- tha Vokshi.

Parashikimi buxhetor 2019 sipas PD-së

DEKLARATA E PLOTË:

Edi Rama u tall edhe sot në mënyrë të paturpshme me studentët, duke thelluar më tej përçmimin dhe hakmarrjen ndaj kujtdo që ngre zërin kundër qeverisë së tij hajdute.  

Studentët nuk përfitojnë asnjë qindarkë nga pazari dhe hilet e Edi Ramës me koncesionin Thumanë - Kashar.  

Kryeministri i ka gënjyer studentët, sepse për Thumanë - Kashar këtë vit në buxhetin e shtetit nuk është parashikuar asnjë qindarkë.  

Është për të ardhur keq, sesi Ministrja e Ekonomisë, edhe pse vetë është nënë, pranon me gjakftohtësi të mashtrojë studentët, duke u bërë vegël e bindur e Edi Ramës kundër tyre.  

Për t’i sjellë në vëmendje publikut dhe medias: 

Buxheti i vitit 2019 do të paguajë rreth 105 milionë euro për koncesionet dhe PPP-të e oligarkëve të Edi Ramës.  

Për të financuar kërkesat e studentëve, me një faturë rreth 16 milionë euro, mjafton që Edi Rama: 

·        Të anullojë koncesionin korruptiv të inceneratorëve për të cilin i paguan njeriut të Arben Ahmetajt 18 milion euro në vit.  
·        Ose të anullojë koncesionet korruptive në shëndetësi, për të cilat shqiptarët u paguajnë miqve dhe klientëve të Edi Ramës 33 milionë euro në vit, por nuk marrin shërbim. 
·        Për plotësimin e kërkesave të studentëve jo me mashtrime, por me akte konkrete, mjafton që Edi Rama të anullojë 27 milionë eurot që i paguan klientëve të tij Kastrati e Salillari për koncesionin e pavlerë të Rrugës së Kombit apo klientit tjetër Gjoka Konstruksion për koncesionin korruptiv të Rrugës së Arbrit.  

Të dashur studentë!  

Edi Rama vazhdon t’ju mashtrojë me të ashtuquajturin “Pakti për Universitetet”, i cili nuk përmbush kërkesat e studentëve. 

Studentët e dinë fare mirë se arsimi me Edi Ramën kryeministër nuk ka të ardhme!  

Alternativa e Partisë Demokratike është zgjidhja reale, pa propagandë dhe shumë konkrete me problemet të arsimit të lartë!  

Partia Demokratike garanton se me të marrë drejtimin e qeverisjes së vendit.

·        Do të anullojë çdo koncesion korruptiv që çon paratë e shqiptarëve në xhepa oligarkësh.   
·        Ne do të dyfishojmë buxhetin për arsimin, duke synuar tejkalimin e buxhetit prej 5 përqind të prodhimit të brendshëm bruto.

·        Ne do të shfuqizojmë ligjin për arsimin e lartë!  
Arsimi është prioriteti numër një për Partinë Demokratike dhe ne kemi vullnetin për ta zhvilluar atë!  

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51