Apeli i dha Alibeajt vulën e PD, Meta: Ishte regji e mirëmenduar e Ramës, i panikosur nga zgjedhjet! Me 14 maj, e gjithë Shqipëria do jetë si Shkodra më 6 mars

Kreu i Partisë së Lirisë ka qëndruar në të njëjtën linjë me akuzat e aleatit të tij, Sali Berisha, se vendimi i gjykatës për vulën e PD ishte i diktuar nga kryeministri Edi Rama.

“Pushteti monist i Ramës ka detyruar 3 gjykatës që të shuajnë çdo shpresë kredibiliteti të kësaj drejtësia të dalë nga Rama-Forma. Nuk kam pasur asnjë iluzion që një vendim dje do të vinte, sepse vetëm një naiv dhe pa eksperiencë politike do mendonte që zvarritja prej një viti e vulës ishte rastësi. Jo, ishte regji e mirëmenduar e Edi Ramës", tha Meta.

Nga Vau i Dejës në takimin më strukturat e PL, Meta tha se vetëm një naiv e mendonte se do të ishte ndryshe vendimi i dhënë dje nga gjykata.

“Vetëm një naiv mund të mendonte se ishte proces normal kur prokurori i përgjithshëm u zgjodh me 69 vota kur thuhet në Kushtetutë që duhet së paku me 84 vota. Vetëm një naiv mund të mendonte se do kishim gykata me kredibilitet kur përmes falsifikimeve të Dvoranit keni parë betime të gjyqtarëve te noteri privat te Lana. E dinë tani se kush është drejtësia e Edi Ramës", tha Meta.

Meta shtoi se ky akt është dëshmi e panikut të kryeministrit përballë opozitës në zgjedhjet e ardhshme vendore.

“Përmes këtij akti kaq brutal që ka shokuar çdo njeri që ka njohuritë më minimale të jurisprudencës, Rama tregoi panikun e thellë dhe njëkohësisht deligjitimoi plotësisht qeverisjen e vet ndaj çdo shpresë e tij se opozita do mund të mungojë më 14 maj të jetë e shuar për cilindo. Atje opozita do të jetë me 14 maj dhe do t’i kthejë zgjedhjet në një referendum për vendosjen e pluralizmit politik në Shqipëri. Kemi pushtet vendor monist, diskriminues dhe tërësisht jo transparent. E vetmja bashki që figuron nga organizatat transparente është Bashkia e Shkodrës që i boton të gjitha veprimet e saj se drejtohet nga opozita bashkitë e tjera që drejtohen nga Rilindja janë shembulli i errësirës”, tha Meta.

Kreu i PL foli edhe për zgjedhjet e 14 majit duke thënë me bindje se do të marrin fitoren dhe e gjithë Shqipëria do të jetë si më 6 mars kur falë koalicionit ‘Shtëpia e Lirisë’ të Sali Berishës me Monika Kryemadhin, arritën fitoren në Bashkinë e Shkodrës.

Pas një seance maratonë, Gjykata e Apelit, vendosi dje rrëzimin e vendimit të Agron Zhurkit  të datës 25 mars 2022 dhe kthimin e çështjes për rigjykim në Shkallën e Parë me trupë gjykuese tjetër. Pas këtij vendimi, ajo që vendosi Agron Zhukri konsiderohet nul dhe çështja kthehet në shkallë të parë. Tashmë vula, sigla, logoja e Partisë Demokratike i mbetet Lulzim Bashës, se zyrtarisht ai është i regjistruar në Gjykatën e Tiranës, dhe pritet që të jetë grupi i Alibeajt që të regjistrohet me logon e forcës më të madhe opozitare në vend për zgjedhjet e ardhshme të 14 majit.  Me unanimet të plotë trupa gjykuese e Apelit, e përbërë nga relatore Elona Mihali dhe anëtarë Astrit Kalaja dhe Irida Kacerja, prishi vendimin e Zhukrit. 

Rendit zhvillimet sipas orarit:

Të Fundit Të Parat

A.M./LR/Shqiptarja.com

TAG:
• sali berisha
• 3 marsi i pd
• Ilir Meta