Apeli për ndihmë me lot në sy i Albana Sejdos nga Bilishti: 2 fëmijë më kanë vdekur! Tre të sëmurë pa shtëpi dhe në kushte të mjerueshme jetese

Në një shtëpi përdhese mbuluar nga lagështia e myku jeton në varfëri ekstreme familja e Rami Sejdos nga fshati Sul i Bashkisë Bilisht. Zonja e shtëpisë, 46- vjeçarja Albana Sejdo nuk i ndal lotët gjatë gjithë rrëfimit të dhimbshëm për Report Tv.

"Problemi tek dhoma ku fle djali është lagështia. Dy fëmijë më kanë vdekur, burrin e kam të sëmurë. djali është me zemër dhe nga koka e kam shpënë tek doktori në Pogradec", thotë ajo. 

Në këtë shtëpi të rrënuar banon Albana me bashkëshortin invalid dhe djalin 22-vjeç që dergjet në shtrat me probleme të shëndetit mendor e fizik. Të ardhurat e kësaj familje janë 1300 lekë ndihmë ekonomike dhe 9000 lekë pension invaliditeti.

"Ndihma ekonomike është qesharake 13 mijë lek të vjetra. Mbahemi veç me lekët e burrit CAMP-it, djali merr 90 mijë lek të vjetra", tha ajo.

Këto të ardhura nuk mjaftojnë as për ilaçe pasi të tre anëtarët e familjes janë të sëmurë. 46-vjecarja vuan nga astma dhe mes shumë vështirësish ajo përpiqet të mbledhë bimë medicinale në mal për të siguruar bukën ....

"Unë jam asmatike alergjike, djalin e marr me vete në mal edhe burrin. E vështirë është sa s'ka më. Mbledh lule dhe i shes dhe me këto siguroj ushqime. Si mund ta mbyll muajin me 4 mijë lek vaj, 1200 sheqeri. për të punuar tokën plehrat kimikë janë shtrenjtë ku ti gjej', vijon Albana.

Ndërtimi i një shtëpie të re është kërkesa kryesore e Albana Sejdos e cila po lufton e vetme mes varfërisë dhe sëmundjeve të pjesëtarëve të familjes.

“Si nënë u bëj thirrje të gjithëve të vënë dorë në zemër, kaq s'mund të them më shumë....”, apelon ajo.

Kush ka dëshirë që të kontribuojë për të ndihmuar familjen Sejdo është i lutur të kontaktojë në numrin e Albana Sejdo - 0695313597

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

‘Tatimet’: Birra Tirana, 1.7 mln euro detyrime tatimore të papaguara! Shiti 18 mln lekë produkte produkte pa dokumentacion tatimor

‘Tatimet’: Birra Tirana, 1.7 mln euro detyrime tatimore të papaguara! Shiti 18 mln lekë produkte produkte pa dokumentacion tatimor