POP 5

Lajmet më të lexuara të 5 minutave të fundit

Bota

Arabia Saudite dëbon ambasadorin e Libanit mes grindjeve në Jemen

Arabia Saudite ka urdhëruar ambasadorin e Libanit të largohet brenda 48 orëve për shkak të komenteve "fyese" të drejtuara nga ministri libanez. Mbretëria ka vendosur gjithashtu një ndalim të përgjithshëm për të gjitha importet nga Libani.

Arabia Saudite dëbon ambasadorin e Libanit mes grindjeve në Jemen

Arabia Saudite ka urdhëruar ambasadorin e Libanit të largohet brenda 48 orëve për shkak të komenteve "fyese" të drejtuara nga ministri libanez.

Mbretëria ka vendosur gjithashtu një ndalim të përgjithshëm për të gjitha importet nga Libani.

Masa vjen disa ditë pasi komentet e ministrit të informacionit të Libanit rreth fushatës ushtarake të udhëhequr nga Arabia Saudite në Jemen, shkaktuan acarime në mbretëri.

 Kryeministri i Libanit tha se i vinte keq për vendimin e sauditëve dhe shpresonte se ata do ta rishikonin.

Arabia Saudite tha se po tërhiqte gjithashtu të dërguarin e saj në Bejrut për "konsultime".

Në një intervistë të transmetuar në fillim të kësaj jave, por të regjistruar në gusht, Ministri i Informacionit i Libanit, George Kordahi, dukej se e quajti Arabinë Saudite dhe Emiratet e Bashkuara Arabe agresorë dhe inicatorë në luftën në Jemen.

Prej shtatë vitesh, një koalicion ushtarak i udhëhequr nga Arabia Saudite ka luftuar kundër rebelëve Houthi në Jemen.

Kordahi, i cili po fliste para se të bëhej ministër, e quajti konfliktin "të kotë" dhe tha se Houthis po vepronin në "vetëmbrojtje".

 Si Arabia Saudite ashtu edhe rebelët janë përballur me kritika ndërkombëtare për mizoritë e supozuara në Jemen.

Por qeveria libaneze tha se komentet e z. Kordahi nuk pasqyronin qëndrimin e saj.

Marrëdhëniet midis Libanit dhe Arabisë Saudite janë përkeqësuar vitet e fundit. Grupi militant Hezbollah i mbështetur nga Irani, i cili gjithashtu mbështet rebelët Houthi në Jemen, është rritur në fuqi në Liban.

Z. Kordahi është anëtar i një blloku politik aleat të Hezbollahut.

Pak orë pas njoftimit saudit, Bahreini aty pranë dëboi gjithashtu ambasadorin e tij libanez.

Libani po përballet me një krizë ekonomike të thelluar dhe me konflikte të brendshme politike.

Kryeministri Najib Mikati tha se i vjen keq për vendimin saudit dhe se do të punojë për të riparuar marrëdhëniet.

“Ne do të vazhdojmë të punojmë për të zgjidhur atë që duhet zgjidhur”, u shpreh ai.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46