Arben Ahmetaj vë në siklet Belind Këlliçin: A i financon Belinda Balluku protestat e tij kundër Erion Veliajt?

Arben Ahmetaj vë në siklet Belind Këlliçin: A i financon Belinda Balluku protestat e tij kundër Erion Veliajt?

Belind Këlliçi

Në monologun e tij para kamerave të paguara nga familja Berisha, ish-zv/kryeministri Arben Ahmetaj për më shumë se 3 orë tregoi atë që dëshironte për skandalet e supozuara të qeverisë, pjesë e së cilës edhe ai vetë kishte qenë. Çim Peka, i cili nuk pati leje të bënte asnjë pyetje sepse ky dukej se ishte kushti i vendosur nga Ahmetaj për të pranuar monologun, qëndroi për 200 minuta i palëvizshëm në një karrige të një suite në Lugano, me shpresën se i ftuari-moderator që kishte përballë do të jepte goditjen fatale ndaj Edi Ramës. Arben Ahmetaj nuk përmendi asnjë emër të ri, duke e shtyrë për një moment tjetër kur "t'i kthehet kujtesa dhe vendi të jetë pastruar nga kanceri" (imagjinojmë nga SPAK-u), për të folur më konkretisht. Ai kishte shumë dokumente në dorë, por i lexonte vetëm ai, si të ishin pwr një kujtesë personale, pa ia treguar kurrë kamerës. Me pak fjalë, nga këndvështrimi gazetaresk, deri diku ishte një bllof i tretë, pas dy monologjeve të tjerë. Çim Peka megjithatë, edhe pa asnjë provë në dorë, dukej i kënaqur, përveç kur Arben Ahmetaj denoncoi një intrigë që përfshinte PD-në dhe një fraksion të PS-së: komplotin e supozuar Belo-Bela.

Arben Ahmetaj pretendon se zv/kryeministrja Belinda Balluku, përmes njerëzve të saj, ka paguar demonstrues për të marrë pjesë në protestat e organizuara nga Belind Këlliçi përpara Bashkisë së Tiranës, duke kërkuar dorëheqjen dhe arrestimin e Erion Veliajt.  Tani Çim Peka, por mbi të gjitha familja Berisha dhe Partia e tij Demokratike, që sponsorizuan me entuziazëm këtë intervistë, gjenden në pozitën e sikletshme për të vendosur nëse do t'i besojnë Arben Ahmetajt apo jo.

Nëse Arben Ahmetaj thotë të vërtetën kur akuzon Edi Ramën se është "kreu i organizatës" me Belinda Ballukun si "plaçkitëse" dhe themeluese e "5B" të korrupsionit, atëherë Belind Këlliçi (por jo vetem ai në fakt) duhet të japë shpjegime përse protesta e tij financohet nga numri dy i qeverisë socialiste kundër Erion Veliajt. Por, nëse Arben Ahmetaj gënjen për Belo & Bela, atëherë edhe akuzat e tij ndaj Edi Ramës humbasin besueshmërinë. 

Tani për tani, klani Berisha ka vendosur ta anashkalojë këtë pjesë të sikletshme të monologut të Arben Ahmetajt, duke përdorur pjesët e tjera që i interesojnë. Ndërkohë, më i shqetësuari nga të gjithë duket Belind Këlliçi: A është e vërtetë që ai ka pranuar bashkëpunimin me Belinda Ballukun për të mbledhur 20 veta para bashkisë? Dhe, nëse e ka bërë, a ishte Sali Berisha i informuar? Dhe përsëri, nëse e ka bërë, cila është pjesa tjetër e fshehtë e bashkëpunimit?

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • teto rita: 05/02/2025 17:32

    po ate diplomen e shkolles mesme sna e nxori qe sna e nxori njehere qe dhe populli yne paqe liridashes te merrte vesh e ka apo se ka qerratai se jo per gje po i bie qe ka genjyer dhe ambasaden amerikane kur ka ikur me studime ne amerik,amon mer nxire ate diplomen qe te mbledhim mendjen se te ty e kemi gjithe kohes o kerric

    Përgjigju
  • Tarras Lala: 03/02/2025 14:19

    Ej si ka mundēsi qē jevgu Blendi Kriçi tē jet pjes e politikēs kak shqiptare. E pa besushme ça bohet me Albanistanin e Evropēs.

    Përgjigju
  • Raven Maksuti: 01/02/2025 16:54

    Akoma mereni ju me evgjitin Blendi Kriçin.

    Përgjigju
  • Megi: 30/01/2025 09:59

    ska pike dyshimi qe e financon

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?



×

Lajmi i fundit

Ylli Pata: Përrallat dhe realiteti elektoral i efektit të SPAK

Ylli Pata: Përrallat dhe realiteti elektoral i efektit të SPAK