Që kur Shqipëria vendosi të pranojë të strehojë afganët dhe kryeministri Edi Rama tha se vendi ka kapacitete për të pritur një kontingjent deri në 3 mijë afganë, ka pasur disa data se kur ato mund të mbërrinin në venditn tonë. Për shkak të kaosit në aeroportin e Kabulit dhe situata që ndryshon çdo minutë në Afganistan për shkak të 'pushtimit' nga talebanët ende nuk ka mbërritur asnjë prej tyre.
Për këtë situatë DASH, i pyetur nga Deutsche Welle, tha se për shkak të komplikacionit të evakuimit nuk mund të jap informacione në lidhje me kohën e mbërritjes. Kjo sipas DASH bëhet edhe për të mbrojtur privatësinë dhe sigurinë e afganëve që pritet të evakuohen.
"Për shkak të natyrës së komplikuar të këtyre zhvendosjeve dhe për të mbrojtur privatësinë dhe sigurinë e personave që vijnë, nuk kemi mundësi të ofrojmë informacione të tjera për kohën e mbërritjes, transportin, vendndodhjen lokale dhe destinacionin e mëtejshëm", tha DASH.
Afganët që pritet të vijnë në Shqipëri do të akomodohen në Tiranë, Durrës dhe Berat. Rama hodhi poshtë çdo mundësi strehimi në kampe të krijuara posaçërisht për ta, pasi sipas tij do të ishte çnjerëzore. Konviktet në Qytetin Studenti kanë gati 1200 shtretër, ndërsa grupi i parë i afganëve që do të vijnë pritet të jetë prej rreth 300 personash. Ndërsa në Durrës akomodimi i tyre pritet të bëhet në hotele, teksa në Berat do të vendosen në hotel "Colombo", ish-universiteti "Ufo".
Shqipëria është në mesin e 12 vendeve që kanë pranuar deri tani të strehojnë, të paktën përkohësisht, refugjatë afganë. Në Rinas janë ngritur disa çadra ushtarake ku ka staf mjekësor, forca ushtarake dhe psikologë për t'i kontrollua për gjendjen e tyre shëndetësore dhe psikologjike.
Qytetarët afganë që do të strehohen në vendin tonë kanë punuar gjatë këtyre viteve me SHBA-në dhe NATO dhe duke qenë se do të jenë shënjestra e hakmarrjes talebane, largimi i tyre është parë si emergjente.
Lajme të tjera
-
Turqia dëbon nga territori i saj 325 shtetas afganë
10 Nëntor, 16:06 -
Gjykimi i krimeve në Kosovë, SHBA kritikon Serbinë: Ka shkelur detyrimet nga dialogu i Brukselit
31 Tetor, 15:55 -
Arrestimi i Metës, DASH: Mbështesim përpjekjet e SPAK kundër korrupsionit të nivelit të lartë
23 Tetor, 07:31 -
Si Rusia po përhap lajme të rreme në Ballkan?
23 Shtator, 10:41 -
SHBA dhe Serbia do të nënshkruajnë marrëveshje bashkëpunimi në fushën e energjisë
14 Shtator, 07:35 -
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
SHBA: Vlerësojmë partneritetin e Serbisë në luftimin e agresionit të Rusisë në Evropë
23 Gusht, 14:54 -
Kurti në ShBA, Departamenti i Shtetit: Nuk kemi asnjë takim dypalësh për të paralajmëruar
21 Gusht, 16:57 -
Takim koordinues ndërinstitucional për trafikun e personave, ministri Balla: Koordinim i veprimeve me qëllim parandalimin e fenomenit
25 Korrik, 11:20 -
DASH s'i ndahet Berishës, përmendet në raportin për klimën e investimeve: Politikani i shpallur non-grata, tentoi të hynte me forcë në selinë e PD-së
18 Korrik, 22:10 -
Raporti i DASH mbi të bërit biznes në Shqipëri: PPP-të ulën mundësitë për konkurrencë! Investitorët hasin sfida për shkak të korrupsionit e praktikave jo formale
18 Korrik, 18:10
