Ilustrimet e modeleve në rrjetin social Instagram, i kanë dhënë mundësinë të gjithë personave të apasionuar pas modës dhe të talentuar në pikturë, të shfaqin aftësitë e tyre duke i shpërndarë në një ‘institucion marketingu’ sic është dhe Instagrami.

Një menaxher i zoti është treguar dhe Armand Mehidri, djaloshi nga Tirana, që ka zgjedhur të skicojë personazhet më në zë, duke tërhequr vëmendjen e tyre me ilustrimet e tij asimetrike, plot ngjyra, me femra elegante vithe kërcyera dhe këmbë të gjata seksi.

Talenti i tij ka tërhequr edhe vëmendjen e njërës prej motrave Kardashian së fundmi, e cila e ka pëlqyer dhe e ka shpërndarë ilustrimin në faqen e saj. Djali nga kryeqyteti momentalisht studion Multimedia në Akademinë e Arteve dhe ne i urojmë suksese në artin e tij. 

Redaksia Online
(m.p/shqiptarja.com)